У сваёй першай публічнай заяве з 13 чэрвеня, калі пачаўся ўзброены канфлікт паміж Ізраілем і Іранам, 86-гадовы Хаменеі заявіў, што Ісламскай Рэспубліцы нельга навязваць ні мір, ні вайну.
«Разумныя людзі, якія ведаюць Іран, іранскую нацыю і яе гісторыю, ніколі не будуць размаўляць з гэтай нацыяй на мове пагроз, таму што іранская нацыя не здасца», – сказаў ён. «Амерыканцы павінны ведаць, што любое ваеннае ўмяшанне ЗША, несумненна, будзе звязана з незваротнай шкодай», – дадаў Хаменеі.
Associated Press піша, што незразумела, чаму заяву зачытаў вядучы, і на экране была толькі нерухомае выява іранскага лідара.
З 13 чэрвеня Ізраіль атакаваў больш за 1 100 аб'ектаў у Іране, заявіў у сераду прадстаўнік ізраільскіх вайскоўцаў генерал Эфі Дэфрын. Ён запэўніў, што атакуюцца аб'екты ядзернай і ракетнай праграм.
Як падкрэсліла агенцтва Reuters са спасылкай на «крыніцы, знаёмыя з унутранымі дыскусіямі», Трамп разглядае варыянты, якія таксама ўключаюць далучэнне Ізраіля да нападу на іранскія ядзерныя аб'екты. Амерыканскі прэзідэнт неаднаразова падкрэсліваў, што Іран не можа валодаць ядзернай зброяй.
Ізраільскія вайскоўцы паведамілі, што ў ноч з аўторка на сераду 50 самалётаў нанеслі ўдары па каля 20 мэтах у Тэгеране. Сярод іх былі месцы, дзе вырабляюцца кампаненты і дэталі ракет. У сераду з Тэгерана, горада з насельніцтвам 10 мільёнаў чалавек, пакінулі тысячы людзей. Паводле звестак AP, вуліцы сталіцы «пустыя, прадпрыемствы зачыненыя, а сувязь у лепшым выпадку нестабільная». У горадзе няма сховішчаў, адзінае месца, куды могуць пайсці жыхары, – гэта станцыі метро.
Пасол Ірана пры ААН у Жэневе Алі Бахрэйні таксама выступіў з папярэджаннем ЗША. Ён таксама заявіў, што ўжо лічыць Злучаныя Штаты «саўдзельнікамі таго, што робіць Ізраіль».
Хаменеі знаходзіцца ва ўладзе ў Іране з 1989 года. Ён зʼяўляецца найвышэйшым духоўным і палітычным лідарам. Ён зʼяўляецца чалавекам, які прымае канчатковыя рашэнні па ўсіх ключавых пытаннях.
PAP/вх