Прэзідэнт раскрытыкаваў гэтае рашэнне, назваўшы яго «прадузятым». Трамп падкрэсліў, што ўсе тарыфы застаюцца ў сіле.
Федэральны апеляцыйны суд адхіліў аргумент Дональда Трампа аб тым, што прэзідэнт мае права ўводзіць тарыфы ў адпаведнасці з Законам аб надзвычайных эканамічных паўнамоцтвах. Рашэнне было прынята сямю галасамі супраць чатырох.
Суддзі пастанавілі, што ўвядзенне глабальных тарыфаў мае велізарнае эканамічнае і палітычнае значэнне і патрабуе выразнага дазволу Кангрэса, якога ў гэтым выпадку не было. Суддзі заявілі, што інтэрпрэтацыя Трампа забяспечвае «слабую аснову для такіх шырокіх паўнамоцтваў».
Рашэнне не ўступіць у сілу неадкладна. Адміністрацыя мае час да сярэдзіны кастрычніка, каб абскардзіць рашэнне ў Вярхоўным судзе. Дональд Трамп пракаментаваў рашэнне ў сацыяльных сетках, падкрэсліўшы, што тарыфы застаюцца ў сіле, і назваўшы суд «прадузятым». Ён сказаў, што тарыфы — гэта найлепшы інструмент для абароны амерыканскіх рабочых і бізнесу.
ПР/юл