Пра гэта яе лідар, грузінскі прэм'ер Іраклій Кабахідзэ, заявіў журналістам, перадае ekhokavkaza.com.
На пытанне аб тым, чаму грузінскія ўлады не накіравалі віншаванні, Кабахідзэ адказаў:
«Пакуль Малдова застаецца чальцом СНД, нам складана яе павіншаваць. Пачакаем, калі Малдова выйдзе з СНД, і тады паглядзім, перагледзім пытанне віншавання».
На парламенцкіх выбарах, якія прайшлі ў Малдове 28 верасня, большасць захавала праеўрапейская партыя «Дзеянне і салідарнасць». На другім месцы аказаўся прарасійскі «Патрыятычны блок», які ўзначальвае былы прэзідэнт, сацыяліст Ігар Дадон.
Захаванне большасці партыяй «Дзеянне і салідарнасць» дазволіць ураду Малдовы працягнуць курс на інтэграцыю ў ЕС. Перамовы аб уступленні Малдовы ў Еўрасаюз афіцыйна былі пачаты ў чэрвені 2025 года.
Праеўрапейскія ўлады Малдовы неаднаразова абвінавачвалі Расію ва ўмяшанні ў выбары і спробах дэстабілізаваць сітуацыю ў краіне. Масква гэтыя абвінавачанні абвяргае.
З-за пагрозы расійскага ўмяшання паліцыя, пракуратура і служба бяспекі Малдовы пачалі расследаванне па крымінальнай справе аб падрыхтоўцы беспарадкаў і дэстабілізацыі пры падтрымцы Масквы. У яго межах былі затрыманы дзясяткі чалавек.
У «Грузінскай мары», якая прыпыніла курс на еўраінтэграцыю, заяўляюць, што стаўленне ЕС да Тбілісі несправядлівае, і па ўсіх параметрах краіна апярэджвае іншых кандыдатаў на ўступленне – Малдову і Украіну.
вх