Казахстан узмацніў праверку грузавікоў, якія едуць з Расіі ў Кітай і з Кітая ў Расію. На расійска-казахстанскай мяжы ўтварылася доўгая чарга з некалькіх тысяч транспартных сродкаў.
Незалежныя расійскія СМІ паведамляюць, што казахстанскія мытнікі шукаюць так званыя тавары двайнога прызначэння. Гэта тавары, якія падпадаюць пад заходнія санкцыі. Улады Казахстана не хочуць ісці насуперак Еўрапейскаму Саюзу і ЗША, бо парушэнне санкцый можа перашкодзіць дзейнасці іх уласных кампаній.
«Гэта не кароткатэрміновыя праблемы, а новая рэальнасць – павелічэнне праверак і больш жорсткае выкананне санкцый», – цытуе партал «Медуза» Максіма Ямеліна з лагістычнай кампаніі.
З пачатку агрэсіі супраць Украіны Расія спрабуе экспартаваць і імпартаваць тавары, якія падпадаюць пад заходнія санкцыі. Гэта ўключае імпарт электронных прылад, неабходных для распрацоўкі зброі, і экспарт энергетычных рэсурсаў для задавальнення патрэб арміі, якая ваюе ва Украіне.
ав