Данія хоча забараніць дзецям да 15 гадоў карыстацца сацыяльнымі сеткамі. Прэм'ер-міністр Метэ Фрэдэрыксен абвясціла пра гэта на інаўгурацыі восеньскай сесіі парламента, але не ўдакладніла, якія сайты сацыяльных сетак будуць ахоплены забаронай і як гэта будзе працаваць на практыцы.
«Мабільныя тэлефоны і сацыяльныя сеткі пазбаўляюць нашых дзяцей дзяцінства», – сказала Метэ Фрэдэрыксен, сцвярджаючы, што 60 працэнтаў дацкіх хлопцаў ва ўзросце ад 11 да 19 гадоў аддаюць перавагу заставацца дома, а не праводзіць час з сябрамі.
Паводле законапраекта, дата ўступлення ў сілу якога пакуль не вызначаная, дзеці, якім споўнілася 13 гадоў маглі б карыстацца сацсеткамі са згоды бацькоў.
Лідарам па прадухіленні шкодных наступстваў выкарыстання інтэрнэту сярод моладзі з’яўляецца Аўстралія. У канцы 2024 года мясцовы парламент прыняў забарону на карыстанне сацыяльнымі сеткамі дзецмі, якім не споўнілася 16 гадоў. Пад забарону падпадаюць такія платформы, як Facebook, Snapchat, TikTok і YouTube.
IAR/аз