Фрыдрых Мерц пасля сустрэчы з прадстаўнікамі нямецкай аўтамабільнай прамысловасці заявіў, што выкананне пастаўленай задачы да гэтай даты тэхнічна немагчымае.
Электрарухавікі застануцца прыярытэтам, абвясцілі ўдзельнікі аўтамабільнага саміту ў Германіі. Палітыкі сустрэліся з прадпрымальнікамі і работнікамі адной з найважнейшых галін прамысловасці краіны. Тэмы ўключалі крызіс сектара і магчымыя звальненні тысяч работнікаў.
Канцлер Германіі абвясціў аб працягу праэкалагічных мер, але праз два тыдні на пасяджэнні Еўрапейскай рады ў Бруселі ён прапануе змяніць тэрмін адмовы ад вытворчасці аўтамабіляў з рухавікамі ўнутранага згарання.
«Я буду настойваць на тым, каб Еўрапейскі Саюз прымаў рашэнні, якія дазволяць шырокамаштабна развіваць тэхналогіі ў напрамку кліматычнай нейтральнасці. Аднак не з нерэалістычнай каляндарнай датай, а з выразнай перспектывай, якая адкрые аглядную будучыню і для нямецкіх кампаній», – падкрэсліў Фрыдрых Мерц.
IAR/вх