Акты сабатажу ўнутры ЕС, выкарыстанне мігрантаў у якасці зброі, кампаніі па дэзінфармацыі і маніпуляцыях, удары беспілотнікаў – спіс абвінавачванняў супраць Расіі доўгі. Вайна, якую Расія развязала ва Украіне, вядома, таксама ўяўляе пагрозу для бяспекі Еўропы.
«Мы абавязаны абараняць нашых грамадзян. Такім чынам, правілы для расіян, якія падаюць заяўкі на ўязныя візы, цяпер будуць больш жорсткімі. Падарожжа ў ЕС і свабоднае перамяшчэнне па ім – гэта прывілей, а не нешта само сабой зразумелае», – пракаментавала кіраўнік знешняй палітыкі ЕС.
Цяпер расіянам давядзецца падаваць заяўкі на новую візу кожны раз, калі яны хочуць уехаць у ЕС. Гэта дазволіць усталяваць строгі кантроль за ўездам і, як тлумачыць Брусель, мінімізаваць патэнцыйныя рызыкі для бяспекі. Ёсць толькі некалькі выключэнняў для дысідэнтаў, журналістаў і праваабаронцаў.
ав