Паводле іх слоў, у Іерусаліме стала значна бяспечней пасля ўступлення ў сілу пагаднення аб спыненні агню ў Газе.
У Іерусаліме завяршаецца з'езд францысканцаў, якія кіруюць хрысціянскімі святынямі ад імя Каталіцкай Царквы. Духавенства абмеркавала сітуацыю ў Ізраілі і Палесціне пасля вайны ў Газе.
Францысканскі айцец Захеўш Дронжэк (Zacheusz Drążek), які працуе ў Іерусаліме, падкрэсліў у інтэрв'ю Польскаму радыё, што горад чакае пілігрымаў.
– Тут цяпер бяспечна. Мы запрашаем прыязджаць турыстаў. І наш кардынал, і наш новы куратар казалі пра гэта ў сваім нядаўнім выступленні, яны запрашалі ўсіх паломнікаў і турыстаў наведваць Святую Зямлю.
З пачатку вайны ў Газе два гады таму колькасць турыстаў, якія наведваюць Ізраіль, скарацілася прыкладна на 90%. Падчас канфлікту Стары горад Іерусаліма практычна пуставаў, а мінулы год стаў найгоршым годам у гісторыі ізраільскай турыстычнай індустрыі за многія гады. Летась у кастрычніку ў Ізраіль прыбылі 128 000 замежных турыстаў. Гэта значна менш, чым у рэкордным кастрычніку 2018 года, калі Ізраіль наведала паўмільёна турыстаў.
IAR/нг