Аб уступленні ў сілу Акта абвясціла прэс-сакратар Белага дома Кэралайн Левіт.
«Віншую прэзідэнта Дональда Трампа. Асноўная ўстанова ўступіла ў сілу. Рада міру цяпер з'яўляецца паўнавартаснай міжнароднай арганізацыяй», — сказала яна.
Акрамя Дональда Трампа, дакумент падпісалі прэм'ер-міністр Венгрыі Віктар Орбан і прэзідэнт Аргенціны Хаўер Мілей, а таксама прадстаўнікі Бахрэйна, Марока, Арменіі, Азербайджана, Балгарыі, Інданезіі, Іарданіі, Казахстана, Косава, Пакістана, Парагвая, Катара, Саудаўскай Аравіі, Турцыі, Аб'яднаных Арабскіх Эміратаў, Узбекістана і Манголіі.
Першапачаткова орган павінен быў засяродзіцца на кіраванні і аднаўленні сектара Газа пасля вайны, але яго мандат будзе пашыраны і будзе ўключаць іншыя пытанні, якія традыцыйна ўваходзяць у кампетэнцыю ААН. Дзяржаваў-членаў будзе выбіраць Дональд Трамп на трохгадовы тэрмін, калі яны не заплацяць мільярд долараў за пастаяннае членства.
Запрашэнне ЗША ў Раду міру пацвердзілі таксама лідары Расіі і Беларусі Уладзімір Пуцін і Аляксандр Лукашэнка. Францыя, Нарвегія і Швецыя заявілі, што не будуць удзельнічаць у працах структуры.
Прэзідэнт Караль Наўроцкі ўдзельнічаў у цырымоніі стварэння Рады міру, але не падпісаў дакументаў аб яе заснаванні. Для ўступлення Польшчы ў гэты орган патрабуецца згода парламента, растлумачыў кіраўнік Упраўлення міжнароднай палітыкі прэзідэнта Марцін Пшыдач.
IAR/нг