У горадзе Раваніемі, на поўначы Фінляндыі, будзе размешчана штаб-кватэра перадавых сухапутных сіл НАТА ў Лапландыі.
Войскі Альянсу будуць размешчаны ў Раваніемі і Соданкюлі, больш чым за 100 кіламетраў за Палярным кругам.
Падраздзяленне будзе часткай сістэмы перадавой прысутнасці НАТА. Яго місіяй будзе правядзенне вучэнняў і ўмацаванне абароны і стрымлівання. Спачатку там будуць служыць некалькі дзясяткаў вайскоўцаў, а пры неабходнасці сілы могуць быць пашыраны да некалькіх тысяч салдат.
Швецыя ўзначаліць сілы Альянсу ў фінскай Лапландыі. У аперацыі таксама ўдзельнічаюць Вялікабрытанія, Францыя, Італія, Нарвегія, Данія і Ісландыя.
Фінляндыя ўступіла ў НАТА ў 2023 годзе.
ПР/юл