Паводле крыніц штодзённай газеты «L'Orient Le Jour», Ізраіль рыхтуецца да шырокіх ваенных аперацый у даліне Бекаа, якая часткова кантралюецца Хезбалой.
Калі Злучаныя Штаты рыхтуюцца да вайны з Іранам, Ізраіль можа разгледзець магчымасць пашырэння сваіх аперацый супраць Хезбалы ў Ліване, каб перашкодзіць ёй падтрымліваць Тэгеран або ўступаць у вайну на баку Ірана, паведамляе заходняя дыпламатычная крыніца, на якую спасылаецца газета.
Уцечкі таксама згадваюць магчымасць правядзення Ізраілем буйных аперацый у Іраку і нападаў на стратэгічныя мэты ў Іране. У апошнія дні, нягледзячы на спыненне агню паміж Хезбалой і Ізраілем, ізраільская армія ўзмацніла свае атакі на мэты ў Ліване. Ізраіль таксама ўзмацніў свае разведвальныя аперацыі, адправіўшы беспілотнікі з глушылкамі над тэрыторыяй Лівана.
У Ліване прыкладаюцца намаганні па стрымліванні «Хезбалы». Ваенная арганізацыя, якую падтрымлівае іранскі рэжым, аслабла пасля паўтара года вайны з Ізраілем. Аднак ёсць асцярогі, што лаяльнасць да Ірана возьме верх, і «Хезбала» ўцягне Ліван у чарговую вайну.
ав