Іранскія ўлады абвясцілі ўзнагароду за затрыманне амерыканскага пілота самалёта F-15, збітага 3 красавіка на паўднёвым захадзе краіны. Амерыканскія войскі таксама вядуць яго пошукі.
Іранскія СМІ паведамляюць пра працяг бамбардавання Тэгерану. Уначы над горадам было чуваць некалькі выбухаў. Іранскія ўлады звяртаюцца да грамадзян з просьбай дапамагчы ў захопе збітага пілота F-15. За галаву амерыканскага пілота, пакуль ён жывы, абвясцілі ўзнагароду. Яго таксама шукаюць амерыканскія марскія пехацінцы. Верталёты Black Hawk, якія ўдзельнічалі ў пошукавай аперацыі, абстралялі, але ім удалося вярнуцца ў бяспечнае месца.
Іранскія ўлады не выказалі гатовасці да перамоваў з амерыканцамі. Паводле паведамленняў амерыканскіх СМІ, Тэгеран адхіліў прапанову аб 48-гадзінным спыненні агню. Іран заявіў, што не будзе весці ніякіх перамоваў, пакуль не будуць цалкам спынены ізраільска-амерыканскія авіяўдары.
Выступ прэзідэнта ЗША, у якім ён абвясціў аб узмацненні авіяўдараў, прывёў толькі да эскалацыі пагроз. Іран паўтарыў сваю заяву аб тым, што нафтаперапрацоўчыя заводы, аэрапорты і апрасняльныя заводы ў рэгіёне Персідскага заліва будуць абʼектамі ракетных удараў.
ПР/юл