Найбуйнейшы ў свеце завод па вытворчасці разумных паўправаднікоў адкрыецца сёння(2 ліпеня) ў Дрэздэне ў Германіі. Гэта зніжае залежнасць Еўропы ад азіяцкай і амерыканскай вытворчасці.
У прыватнасці, ужо цяпер кожны трэці чып, выраблены ў Еўропе, выпускаецца ў Саксоніі — нямецкай «Крэмневай даліне». Гэтая доля будзе расці, бо завод, які сёння афіцыйна адкрываецца, ужо некалькі дзён вырабляе складаныя паўправаднікі.
— Мы будзем масава вырабляць у Германіі мікракантролеры. Гэтыя мікракантролеры, МК (па-англ. microcontroller), патрэбныя ў вытворчасці аўтамабіляў. Улічваючы цяперашнія геапалітычныя рызыкі, вельмі важна, каб у нас былі вялікія і моцныя заводы тут, у Еўропе, — падкрэслівае Аляксандр Горскі, член праўлення «Infineon Technologies».
З-за стратэгічнага значэння Еўрапейскі Саюз падтрымаў інвестыцыю адным мільярдам еўра. Агульны кошт будаўніцтва і абсталявання завода складае пяць мільярдаў еўра.
Прадукцыю з Дрэздэна ўжо заказваюць у асноўным тры галіны прамысловасці — аўтамабільная, энергетычная і кампаніі, якія працуюць у сферы штучнага інтэлекту.
IAR/аз