Італія развітваецца з папяровымі пасведчаннямі асобы. З сённяшняга дня (3 жніўня) папяровы дакумент больш не дзейнічае для міжнародных паездак. Пры перасячэнні мяжы неабходна прад'явіць электроннае пасведчанне асобы або пашпарт.
Змены зʼяўляюцца вынікам правілаў ЕС, якія ўводзяць больш бяспечныя дакументы з электронным чыпам.
У Італіі папяровыя пасведчанні асобы можна будзе выкарыстоўваць для пацверджання асобы і афармлення афіцыйных спраў да заканчэння тэрміну іх дзеяння.
Міністэрства ўнутраных спраў з восені праводзіць кампанію, нагадваючы грамадзянам аб абавязку замены сваіх дакументаў. Нягледзячы на гэта, паводле агульных ацэнак, некалькі мільёнаў італьянцаў усё яшчэ карыстаюцца папяровымі пасведчаннямі асобы.
Італія завяршае этап, які Польшча завяршыла чвэрць стагоддзя таму. Пластыкавыя пасведчанні асобы выдаюцца ў Польшчы з 2001 года. У 2019 годзе карты атрымалі дадатковы электронны пласт і сталі таксама электроннымі пасведчаннямі асобы.
IAR/аз