Нямецкія ўлады падазраюць, што ў аэрапорце Лейпцыга адбыўся сабатаж. На ўзлётна-пасадачнай паласе былі знойдзены падазроныя прадметы, а транспартны самалёт сутыкнуўся ў паветры, верагодна, з беспілотнікам.
Ноччу паветраны рух быў прыпынены. Цяпер ён выконваецца ў абмежаваным рэжыме.
Падазроныя прадметы былі знойдзены на ўзлётна-пасадачнай паласе да поўначы. Праца аэрапорта была прыпыненая, а самалёты, якія павінны былі там прызямляцца, перанакіраваны на іншыя лётнішчы.
Адзін з транспартных самалётаў, якому з-за цяжкасцей давялося перапыніць пасадку ў Лейпцыгу, сутыкнуўся з неапазнаным абʼектам у паветры за шэсць кіламетраў ад аэрапорта. Самалёт бяспечна прызямліўся ў Гановеры.
Паліцыя паведаміла, што ўначы ў аперацыі ўдзельнічаў робат, які спецыялізуецца на выбуховых рэчывах.
Перабоі ў першую чаргу закранаюць грузавыя перавозкі, бо гэты аэрапорт зʼяўляецца адным з найважнейшых у Германіі для перавозак тавараў.
З Лейпцыга працуе DHL, а таксама даччыная кампанія дзяржаўнай украінскай кампаніі Antonov Airlines.
IAR/аз