ЗША плануюць накіраваць ліст дзясяткам краін з патрабаваннем вызначыцца, з кім яны хочуць супрацоўнічаць у сферы штучнага інтэлекту — з Вашынгтонам або Пекінам. Краіны могуць пазбавіцца доступу да амерыканскай кааліцыі, калі адначасова далучацца да кітайскіх ініцыятыў.
Ліст павінен быць накіраваны ў 35 дзяржаў, якія падпісалі ў чэрвені амерыканскую «Заяву аб магчымасцях ІІ». Частка з іх таксама ўваходзіць у Pax Silica — ініцыятыву ЗША, закліканую ўмацаваць ланцужкі паставак мадэляў ШІ, паўправаднікоў і крытычна важных карысных выкапняў, піша Reuters.
ЗША жадаюць, каб гэтыя краіны не супрацоўнічалі адначасова з канкуруючымі кітайскімі праектамі. Вашынгтон фактычна ставіць іх перад выбарам: быць надзейным партнёрам ЗША ці супрацоўнічаць з Пекінам у сферы ШІ.
У ліпені старшыня КНР Сі Цзіньпін запусціў канкуруючую Сусветную арганізацыю супрацоўніцтва ў сферы штучнага інтэлекту, прасоўваючы адкрытыя кітайскія мадэлі.
Прымушаючы краіны выбіраць бок, ЗША спрабуюць не толькі аб'яднаць саюзнікаў вакол сваіх тэхналогій, але і абмежаваць доступ Кітая да рэсурсаў, чыпаў і партнёраў, неабходных для развіцця перадавога ШІ.
Прычына — абвастрэнне барацьбы дзвюх краін за тэхналагічнае, эканамічнае і вайсковае лідарства.
вс