Узброеныя сілы Украіны павіншавалі сваіх польскіх калег з Днём Войска Польскага

«100-гадовая бесперапыннасць сумеснага супрацьстаяння маскоўскаму імперыялізму працягваецца і сёння на ўкраінскім фронце».

Падраздзяленне горных стралкоў Узброеных сіл Польшчы на парадзе ў Варшаве.

PAP/Leszek Szymański

Узброеныя сілы Украіны павіншавалі сваіх польскіх калег з Днём Войска Польскага. У лісце Генеральнага штабу ўкраінскія вайскоўцы падзякавалі палякам за дапамогу ў барацьбе з расійскай агрэсіяй. У ім таксама зазначаецца, што падчас польска-савецкай вайны 1920 года ўкраінскія войскі былі саюзнікамі палякаў у барацьбе супраць бальшавікоў.

У лісце таксама ўкраінцы дзякуюць за актыўнасць Польшчы ў фармаце «Рамштэйн», функцыянаванне ЛітПольУкрБрыг — сумеснай польска-літоўска-ўкраінскай брыгады, а таксама за падрыхтоўку ўкраінскіх падраздзяленняў і лагістычную падтрымку ўкраінскай арміі.

🇺🇦🇵🇱 ЗС України вітають ЗС Польщі, весь польський народ і Польщу з Днем Війська Польського! / Siły Zbrojne Ukrainy składają życzenia Siłom Zbrojnym RP, całemu narodowi i Polsce z okazji Święta Wojska Polskiego
@SztabGenWP https://t.co/B4mcaF7Auw pic.twitter.com/Q9cQWXtHPn

— Генеральний штаб ЗСУ (@GeneralStaffUA) August 15, 2026

У лісце, у прыватнасці, гаворыцца, што 15 жніўня Польшча ўшаноўвае перамогу ў Варшаўскай бітве 1920 года, калі польская армія разам з падраздзяленнямі Украінскай народнай арміі спыніла бальшавіцкі наступ і абараніла свабоду. Украінскі Генштаб зазначыў, што «100-гадовая бесперапыннасць сумеснага супрацьстаяння маскоўскаму імперыялізму працягваецца і сёння на ўкраінскім фронце».

вс