Расійскае грамадства ўсё больш стамляецца ад вайны ва Украіне. Аднак Крэмль не збіраецца хутка спыняць баявыя дзеянні. Таму нават чутак пра магчымую новую хвалю мабілізацыі хапіла, каб тысячы расіян пачалі ў поспеху пакідаць краіну.
Паводле інфармацыі Федэральнай мытнай службы Расіі, 15 і 16 жніўня праз памежны пункт Верхні Ларс на мяжы з Грузіяй прайшло каля 19 тысяч чалавек. Расійскія ўлады адзначаюць, што гэтыя паказчыкі значна перавышаюць узровень аналагічных перыядаў папярэдніх гадоў.
Тысячы людзей уцякаюць праз мяжу з Грузіяй, чытаем на сайце tvp.info
18 жніўня мяжу перасеклі больш за 20 тысяч чалавек. Для паскарэння афармлення транспарту і падарожнікаў расійскія службы былі вымушаныя павялічыць колькасць супрацоўнікаў і працоўных змен.
Паводле паведамленняў расійскіх і замежных СМІ, улады разглядаюць магчымасць новай мабілізацыі, аднак яна, верагодна, будзе адкладзеная да выбараў у Дзяржаўную думу, прызначаных на 20 верасня.
У той жа час Уладзімір Пуцін спрабуе душыць антываенныя настроі. Нядаўна Вярхоўны суд Расіі не дапусціў да парламенцкіх выбараў апазіцыйную партыю «Яблоко», абвінаваціўшы яе ў парушэнні заканадаўства і замежным фінансаванні.
яс