Гэта зроблена ў адказ на дзеянні хакераў, якія на чатыры дні адключылі невялікую газавую электрастанцыю. Паводле брытанскіх СМІ, за атакай магла стаяць група, звязаная з Іранам.
Брытанскія ўлады ўжо накіравалі папярэджанні энергакампаніям. Кампаніі павінны неадкладна праверыць свае сістэмы на наяўнасць прыкмет парушэння. Яны таксама павінны ўзмацніць кругласутачны маніторынг сеткі і падрыхтаваць планы дзеянняў на выпадак далейшых адключэнняў.
Агенцтва кібербяспекі брытанскага ўрада расследуе гэтае пытанне. Урад у Лондане запэўнівае, што кібератака не пагражала энергазабеспячэнню. Адключэнняў электраэнергіі не было, і энергасістэма па ўсёй краіне працавала нармальна. Атакаваная электрастанцыя была невялікім аб'ектам, які ўключаўся толькі тады, калі попыт на энергію павялічваўся.
Узлом адбыўся ў ліпені. Электрастанцыя кіравалася дыстанцыйна і не мела пастаяннага персаналу. Хакеры атакавалі камп'ютары, адказныя за кантроль яе працы. На аднаўленне сістэм спатрэбілася чатыры дні. Месцазнаходжанне абʼекта не раскрываецца. Эксперты называюць гэтую атаку папераджальным сігналам. Яны баяцца, што хакеры маглі правяраць брытанскую бяспеку, перш чым атакаваць значна больш важны абʼект.
ав