У рачной даліне, заблакаванай апоўзнем на мяжы паміж Непалам і Тыбетам, назапасілася шмат вады, узнікла пагроза новага наваднення.
Пра гэта паведаміла кітайскае тэлебачанне, дадаўшы, што выратавальныя аперацыі былі прыпыненыя пасля паводкі, якая адбылася ў сераду 26-га жніўня.
Улады Непала пацвердзілі, што ўзровень ракі павышаецца. Людзі пачалі ўцякаць на ўзвышшы. Возера, якое ўтварылася ў заблакаванай даліне, мае прыблізна 150 метраў у даўжыню і 50 метраў у глыбіню. Кітайскія інжынеры маюць намер пракапаць канал, праз які будзе сцякаць частка вады.
У выніку стыхійнага бедства ў Непале загінулі 469 чалавек. Каля 1000 чалавек прапалі без вестак, у тым ліку некалькі сотняў замежнікаў. Яшчэ больш за 500 чалавек прапалі без вестак на кітайскім баку мяжы ў Тыбеце.
Прычынай катастрофы, верагодна, стаў адрыў часткі ледавіка з-за землятрусу. Масы лёду, вады і бруду сцякалі па даліне, разбураючы дамы, дарогі і гідратэхнічныя збудаванні.
ПР/юл