З 2019 года харвацкая паліцыя часова канфіскавала больш за 3 000 аўтамабіляў у рэцыдывістаў. Гэта вынік больш жорсткіх правілаў у дачыненні да кіроўцаў, якія неаднаразова здзяйсняюць найбольш сур'ёзныя парушэнні правілаў дарожнага руху.
Харвацкія СМІ прывялі прыклад кіроўцы, у якога паліцыя канфіскавала дзясяты аўтамабіль. Мужчыну зноў затрымалі за кіраванне без вадзіцельскага пасведчання. У трох апошніх справах ён адказваў у агульнай складанасці за 12 парушэнняў правілаў дарожнага руху.
Акрамя 3 000 часова канфіскаваных аўтамабіляў, суды пастанавілі аб пастаяннай канфіскацыі 859 транспартных сродкаў.
Паводле правілаў, канфіскацыя аўтамабіля можа быць ажыццёўлена, сярод іншага, за кіраванне транспартным сродкам у стане алкагольнага апʼянення з утрыманнем алкаголю больш за 1,5 праміле, перавышэнне хуткасці больш чым на 50 кіламетраў у гадзіну ў населеным пункце, кіраванне без вадзіцельскага пасведчання, кіраванне транспартным сродкам у забароненых умовах, праезд на чырвоным святле або рух супраць патоку руху.
Kанфіскаваныя аўтамабілі становяцца дзяржаўнай уласнасцю і звычайна прадаюцца на публічных аўкцыёнах, а сродкі ад іх продажу паступаюць у дзяржаўны бюджэт.
IAR/аз