Гэтыя высновы апублікавала брытанская газета The Telegraph. Пашкоджанне згаданых злучэнняў можа парушыць працу банкаў, шпіталяў і камунікацый па ўсёй краіне.
Расійскія караблі запавольваюцца, і затрымліваюцца над падводнымі кабелямі гадзінамі. Паводле The Telegraph, менавіта так паводзяць сябе расійскія катары ў водах вакол Вялікабрытаніі. Журналісты паведамляюць пра сямнаццаць суднаў і больш за пяцьсот падазроных манеўраў.
Выданне прааналізавала звесткі пра рух суднаў за чатыры з паловай гады. На поўнач ад Шатландыі расійскія судны правялі ў агульнай складанасці больш за трыста гадзін над адным з падводных кабеляў. Адно судна неаднаразова манеўравала ўздоўж аднаго і таго ж участка.
Паводле слоў экспертаў, такія манеўры можна выкарыстоўваць для дакладнага картаграфавання марскога дна. Судна, якое рухаецца павольна, можа выкарыстоўваць гідралакатар або нават разгарнуць дыстанцыйна кіраваны падводны апарат. Сабраная інфармацыя можа палегчыць дыверсію.
Крыніца брытанскай газеты ў НАТА запэўнівае, што альянс сочыць за расійскімі грамадзянскімі суднамі. Тым часам Лондан абвясціў аб больш жорсткіх пакараннях за наўмыснае пашкоджанне падводнай інфраструктуры, прадугледжваючы пакаранне да чатырнаццаці гадоў пазбаўлення волі. Брытанскія ўлады маюць намер ліквідаваць кампаніі, якія працуюць на варожыя дзяржавы.
Таксама ў Балтыйскім моры ў апошнія гады адбылося шмат пашкоджанняў падводных электра- і тэлекамунікацыйных кабеляў і газаправодаў. У некаторых з гэтых інцыдэнтаў удзельнічалі судны, звязаныя з Расіяй.
У звязку з гэтым па дне Балтыйскага мора будзе пракладзены новы валаконна-аптычны тэлекамунікацыйны кабель. Ён злучыць Эстонію, Швецыю і Фінляндыю. Інвестыцыя коштам прыблізна 40 мільёнаў еўра прызначаны для павышэння бяспекі перадачы дадзеных у рэгіёне.
Мэта праекта — забяспечыць бесперапыннасць сувязі ў выпадку далейшага пашкоджання падводнай інфраструктуры. Эстонскі навінавы партал ERR паведамляе, што ў цяперашні час вядзецца падрыхтоўка да даследаванняў марскога дна, якія вызначаць адпаведны маршрут для пракладкі кабелю і вызначаць, ці будзе неабходная ацэнка ўздзеяння на навакольнае асяроддзе.
Новае злучэнне плануецца запусціць у наступным годзе. У цяперашні час Эстонія мае дзве тэлекамунікацыйныя сувязі са Швецыяй і шэсць з Фінляндыяй.
ПР/юл