X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

75 гадоў таму атрады Арміі Краёвай пачалі аперацыю «Вострая Брама» (ФОТА)

12.07.2019 18:24
Палякі планавалі вызваліць Вільню ад гітлераўцаў і сустрэць Чырвоную Армію ў якасці гаспадароў гораду.
Аўдыё
   .
Барацьба за вызваленне Вільні. Патруль жаўнераў Арміі Краёвай і савецкіх салдат на вуліцы Вялікайhttps://pl.wikipedia.org/wiki/Operacja_%E2%80%9EOstra_Brama%E2%80%9D#/media/Plik:19440712_soviet_and_ak_soldiers_vilnius.jpg

7 ліпеня 1944 года атрады Арміі Краёвай пад камандаваннем палкоўніка Аляксандра Кжыжаноўскага пачалі аперацыю «Вострая Брама». Палкоўнік Кжыжаноўскі быў камандуючым акругай «Вільня» Арміі Краёвай. Акцыя «Вострая Брама» праходзіла ў рамках шырокамаштабнай аперацыі «Бура». Яна была арганізаваная падраздзяленнямі Арміі Краёвай супраць немцаў на тэрыторыі ў межах даваеннай Польшчы, у канцы гітлераўскай акупацыі і непасрэдна перад набліжэннем Чырвонай Арміі.

Рашэнне аб правядзенні акцыі «Вострая Брама» было прынятае ў канцы чэрвеня 1944 года. Згодна плану, салдаты Арміі Краёвай мелі вызваліць Вільню да прыходу саветаў. Аднак па асабістаму загаду Гітлера немцы пераўтварылі горад амаль у крэпасць, павялічыўшы колькасць гарнізону да 17 тыс. салдат і афіцэраў.

Аперацыя «Вострая Брама» працягвалася з 7 да 13 ліпеня. Палякі планавалі сустрэць Чырвоную Армію ў якасці гаспадароў гораду. З боку Арміі Краёвай у аперацыю было заангажавана больш за 12,5 тыс. чалавек.

7 ліпеня пачаўся савецкі штурм Вільні. Чырвоная Армія кінула на вызваленне гораду каля 100 тыс. салдат і афіцэраў пры падтрымцы цяжкай артылерыі і авіяцыі. Палякі ж пачалі змаганне ў самім горадзе, самастойна вызваліўшы частку Вільні па праваму беразе Віліі, а пазней супольна з чырвонаармейцамі пачалі вызваленне левабярэжных раёнаў. 13 ліпеня Вільня была вызваленая, а на Замкавай гары залунаў польскі бела-чырвоны сцяг. Правісеў ён усяго толькі некалькі гадзін, бо хутка саветы замянілі палотнішча на чырвонае.


Камандуючы акругай «Вільня» Арміі Краёвай палкоўнік Аляксандр Кжыжаноўскі (даваенны здымак, афіцэр у мундзіры маёра) Камандуючы акругай «Вільня» Арміі Краёвай палкоўнік Аляксандр Кжыжаноўскі (даваенны здымак, афіцэр у мундзіры маёра)

Савецкае камандаванне запрапанавала палкоўніку Аляксандру Кжыжаноўскаму з падпарадкаваных яму падраздзяленняў стварыць самастойную частку ў складзе Трэцяга беларускага фронту. 17 ліпеня Кжыжаноўскага запрасілі на перамовы з генералам Іванам Чарняхоўскім. Палкоўніка арыштавалі, а атрады Арміі Краёвай, раскватараваныя вакол Рудніцкай пушчы, былі акружаныя й раззброеныя. Агулам саветы інтэрнавалі каля 6 тыс. чалавек. Салдат, якія адмовіліся ўступаць у Першую армію Войска Польскага пад камандаваннем генерала Зыгмунта Берлінга, створаную ў Савецкім Саюзе, вывезлі ўглыб Расеі, дзе яны цягам некалькіх гадоў служылі ў дапаможных атрадах Чырвонай Арміі на лесапавалах. Афіцэраў жа аддалі пад суд і вывезлі ў Разань.

Палкоўнік Аляксандр Кжыжаноўскі спачатку сядзеў у савецкіх турмах у Вільні і Маскве. 11 жніўня яму ўдалося ўцячы. Ён прыехаў у Вільню, але неўзабаве быў зноў арыштаваны.

У кастрычніку 1947 года савецкія ўлады згадзіліся на яго выезд у Польшчу. На радзіме ён аднак свабодай карыстаўся нядоўга, бо ў ліпені 1948 года яго арыштавала Служба бяспекі камуністычнай Польшчы. Памёр палкоўнік Кжыжаноўскі ад туберкулёзу ў варшаўскай турме ў 1951 годзе.

Валеры Саўко

Больш на гэтую тэму: Машына часу