X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польская экспертка ставіць пад сумненне сэнсоўнасць ідэі мільярдэра, які прапануе бамбіць Марс ядзернымі снарадамі

05.09.2019 17:37
"Сучасныя тэхналогіі не даюць нам магчымасці ператварыць Чырвоную планету ў зялёную ці блакітную планету".
Аўдыё
  • Польская экспертка падвяргае сэнс ідэі мільярдэра
pixabay.com
pixabay.compixabay.com

Ідэя Ілана Маскa адносна абстрэлу тэрмаядзернымі снарадамі Марса для таго, каб змянілася атмасфера гэтай планеты, нерэальная – лічыць доктар Вераніка Сьліва з навуковага цэнтра Капернік у Варшаве. На яе думку, ні адна з даступных сёння тэхналогій не справіцца з гэтай задачай.

У апошнія дні мільярдэр і саўладальнік SpaceX (амерыканскай кампаніі, вытворцы касмічнай тэхнікі) Ілан Маск у сацыяльных сетках прасоўвае ідэю бамбардавання ледзяных гор, размешчаных на полюсах Марса. Як следства, планета будзе награвацца і атмасфера павінна гусцець, што спрыяла б паляпшэнню ўмоў жыцця, каб яны былі падобныя да зямных. Гэтую канцэпцыю называюць тэрафармацыяй, – тлумачыць доктар Вераніка Сьліва.

- Тэрафармаванне – гэта своеасаблівая мара чалавецтва аб стварэнні другой Зямлі дзе-небудзь у іншым месцы, мара аб пераўтварэнні іншага нябеснага цела, найчасцей гэта Марс, у планету вельмі падобную на нашую. А гэта значыць – з густой атмасферай, якая абараняе ад небяспечнага сонечнага выпраменьвання, з добрай тэмпературай і з вадой, якая цячэ па яе паверхні.

Доктар Вераніка Сьліва тлумачыць ідэю эксцэнтрычнага мільярдэра і вынаходніка Ілана Маска.

- Ілан Маск хацеў бы стварыць на Марсе ўмовы, набліжаныя да тых на Зямлі праз вызваленне двухвокісу вугалю, які знаходзіцца ў полюсных ледавіках Марса. Ілан Маск бачыць гэта так, што вось гэтыя марсіянскія ледавікі можна распусціць з дапамогай тэрмаядзерных снарадаў. Так, гэта і ёсць нейкая канцэпцыя. На жаль, трэба сказаць, яна не вельмі рэалістычная па даволі празаічнай прычыне. Навукоўцы, якія займаюцца Марсам, падлічылі, што ў палярных шапках Марса знаходзіцца невялікая колькасць вуглякіслага газу. Нават калі б ён вызваліўся на 100%, марсіянская атмасфера была б у шмат разоў больш разраджанай, чым на Зямлі, і тэмпература не падымецца дастатковым чынам.

Сказала доктар Сьліва. Таму, на яе думку, выкарыстанне тэрмаядзерных снарадаў не дало б чаканага эфекту. Польская даследчыца ўказала на яшчэ адну перашкоду, якую яна лічыць фундаментальнай.

- Мы ўсё яшчэ шукаем сляды нейкіх прымітыўных формаў жыцця на Марсе. Не выключана, што мы знойдзем там жыццё. Хутчэй за ўсё, яго няма, але яно магчымае. У гэтай сітуацыі змяненне гэтай планеты і рызыка разбурэння мясцовага магчымага жыцця – гэта разумнае і прадуманае дзеянне? На гэтае пытанне таксама трэба нам адказаць.

Паводле доктара Сьлівы, сучасныя тэхналогіі не даюць нам магчымасці ператварыць усю Чырвоную планету ў зялёную ці блакітную планету, больш падобную на Зямлю.

- Хутчэй за ўсё, пераважаюць меркаванні, што калі нават чалавек стане жыць на Марсе, а мы да гэтага імкнёмся, і хочам заснаваць марсіянскія калоніі, то імаверна, людзі будуць там жыць у нейкіх закрытых базах і толькі будуць зрэдку выходзіць навонкі.

Доктар Сьліва бачыць дзве магчымасці тэрафармацыі. Па-першае, варта крыху пачакаць на з'яўленне адпаведных тэхналогій, з дапамогай якіх можна будзе фармаваць клімат, а па-другое, чакаць яшчэ даўжэй і нічога не рабіць.

- Справа ў тым, што Сонца павольна, але паслядоўна награваецца і ў канчатковым выніку дасягне такой тэмпературы, што паверхня Марса будзе мець значна больш высокую тэмпературу, чым сёння, бліжэй да тэмпературы паверхні Зямлі. Як следства – вуглякіслы газ, назапашаны ў палярных шапках, будзе выкінуты ў атмасферу, што яшчэ больш нагрэе Чырвоную планету. Аднак, нават калі гэта адбудзецца, па-ранейшаму будзе шмат перашкод, калі б мы хацелі свабодна жыць на паверхні Марса. А іншая справа – калі на Марсе стане цёпла, то як будзе на Зямлі? На Зямлі будзе тады невыносна.

Адзначыла доктар Вераніка Сьліва, якая пракаментавала ідэю мільярдэра Ілана Маска, каб з дапамогай тэрмаядзерных снарадаў змяніць клімат Марса і такім чынам прыстасаваць Чырвоную планету для пасялення там людзей.

Польскае прэсавае агенцтва/ Шыман Здзеблоўскі/яс

Больш на гэтую тэму: Навука і тэхніка