Паводле палітолага Паўла Усава, перанос парэшткаў Кастуся Каліноўскага ў Беларусь з’яўляецца нясвоечасовай падзеяй.
- На маю думку, такое перапахаванне павінна было б пераўтварыцца ў вельмі значную падзею для грамадства і для дзяржавы. Фактычна, яно павінна было б стаць падзеяй стагоддзя. Яно павінна было ўзарваць свядомасць беларусаў і паказаць, што яны, як нацыя, з’яўляюцца гістарычнай, гераічнай нацыяй. Гэтая падзея не павінна была б быць толькі кулуарнай. Мы ведаем, што ўлады не пагодзяцца на тое, каб стварыць усеагульную нацыянальную ўрачыстасць, пранесці парэшткі праз Менск, як сімвал змагання за незалежнасць. Калі б улады ўключыліся ў гэты працэс, то гэта было пахаванне па-мураўёўску, то бок лакальная ўрачыстасць. Калі гэта не стане паказчыкам народнай кансалідацыі, яно не будзе мець значэння. Будзе сорамна перад продкамі і нашчадкамі, сорам для нацыі.
слухайце аўдыё