X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Настаўнікі плануюць страйк, але не настолькі відовішчны, як у красавіку

15.10.2019 16:05
„Мы хочам прадэманстраваць, як мы многа працуем за такія малыя грошы” – пераконваюць прадстаўнікі Звязу польскіх настаўнікаў.
   .
Здымак мае ілюстрацыйны характар.Photo:Alexas_Fotos /pixabay.com/CC0 Public Domain

Сёння ў Польшчы павінен быў пачацца „італьянскі страйк” настаўнікаў. Аднак Звяз польскіх настаўнікаў адтэрмінаваў акцыю пратэсту на тыдзень, паведамляе „Gazeta Wyborcza”.

„Высокія патрабаванні, нізкая зарплата. Што далей?” - пад гэткім лозунгам звяз дасылаў у школы матэрыялы са спісам абавязковых заняткаў і тых, за якія настаўнікі не атрымліваюць грошай.

„Мы хочам прадэманстраваць, як мы многа працуем за такія малыя грошы”, - напісалі прадстаўнікі арганізацыі.

Паколькі праведзеныя ў красавіку акцыі пратэсту, паводле настаўнікаў, не прынеслі чаканага выніку, а нават ударылі па іх кішэнях, таму цяпер яны вырашылі правесці акцыю пратэсту ў выглядзе „італьянскай забастоўкі”. Настаўнікі будуць рабіць толькі тое, што прадугледжвае дамова аб працы і ў тэрміне, які ў ёй акрэслены. Гэта азначае канец дадатковых бясплатных заняткаў, некалькі дзённых экскурсіяў для вучняў і праверкаў сшыткаў па вечарах.

Дата пачатку страйку была абраная невыпадкова - наступны дзень пасля Дня нацыянальнай адукацыі. Аднак у рэшце рэшт страйк быў перанесены на 22 кастрычніка. У гэты дзень адбудзецца пасяджэнне галоўнага савета Звязу польскіх настаўнікаў, які павінен прыняць па гэтай справе адпаведную рэзалюцыю.

„Настаўнікі баяліся, што без рэзалюцыі, дырэктары могуць забраць у іх дадаткі да запрлаты”, - кажа кіраўнік арганізацыі Славамір Броняж (Sławomir Broniarz). Ён таксама дадае, што ў многіх школах Польшчы такая форма пратэсту ўжо працягваецца альбо пачнецца сёння.

15 кастрычніка стартавала таксама інфармацыйная кампанія, накіраваная на тое, каб пазнаёміць настаўнікаў з іх правамі і абавязкамі, у прыватнасці з тым, чаго яны не мусяць рабіць у школе.

Прадстаўнікі Звязу польскіх настаўнікаў не сумняюцца, што цяперашняя акцыя будзе выразна адрознівацца ад красавіцкага пратэсту. Яна будзе мець спакойны характар.

Заняткі будуць праходзіць нармальна. Далучыцца да страйку можна добраахвотна і без аніякіх заяваў. Настаўнікі самі могуць вырашыць, якія дадатковыя абавязкі хочуць выканаць. Італьянскага страйку ў школах не падтрымлівае настаўніцкі прафсаюз „Салідарнасць”, паведамляе „Gazeta Wyborcza”.

аз