X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Сям’я патрэбная большасці людзей для адчування паўнаты жыцця

14.01.2020 15:42
Прасоўваннем сям’і як важнага элементу жыцця грамадства, займаецца польская Фундацыя мамы і таты.
Аўдыё
Сям’яPhoto: OpenClipart-Vectors /pixabay.com/CC0 Public Domain

Кожны з нас ведае яшчэ са школьнай парты, што сям’я – гэта асноўная ячэйка грамадства, над якой сваю апеку распасцірае дзяржава, яе важнейшыя органы. Сям’я – носьбіт культуры, мовы, каштоўнасцяў, традыцыі, светапогляду.

Калісьці сям’я ўпісвалася ў цыкл жыцця кожнага чалавека. Калі адзінка не заснавала сям’і, яна адчувала сябе непаўнавартасным членам грамадства, асабліва для жанчыны адсутнасць мужа і дзяцей была выключнай крыніцай дрэннага адчування. Цяпер жа сям’я перастала быць неабходным элементам споўненага жыцця, перад кожным чалавекам адкрыта шмат магчымасцяў выбару жыццёвага шляху, а сям’я і патомства – гэта толькі адзін з іх.

Тым не менш, сям’я патрэбная большасці людзей для адчування паўнаты жыцця, а для грамадства здаровыя сем’і азначаюць большы ўзровень агульнага задавальнення людзей, лепшае іх здароўе, а нават меншы ўзровень злачыннасці.

Прасоўваннем сям’і як важнага элементу жыцця грамадства, займаецца польская Фундацыя мамы і таты. Яе супрацоўнікі праводзяць даследаванні над станам польскай сям’і і выпрацоўваюць рэкамендацыі для дзяржаўных органаў, рыхтуюць таксама розныя грамадскія кампаніі і праграмы. Гаворыць старшыня фундацыі Марэк Грабоўскі.

- Нашы праграмы мы стараемся рыхтаваць такім чынам, каб яны былі зразумелыя і прывабныя для маладых людзей. Неабходна пачынаць адукацыю менавіта з маладых людзей, вучыць іх, што сям’я – гэта вялікая каштоўнасць. Я з’яўляюся членам рады сям’і, органа ў рамках Канцылярыі прэм’ер-міністра Польшчы. Мы стараемся рэкамендаваць ураду дзеянні, накіраваныя да моладзі, каб жыццё ў сям’і было прывабным для маладых людзей, каб яны хацелі засноўваць сям’ю, і, калі паявяцца праблемы, хацелі за свой саюз змагацца. Цяпер агулам людзі вельмі лёгка ідуць на расстанне. Хаця ў іншых сферах жыцця, калі паяўляюцца канфлікты, напрыклад, на працы, мы так хутка не рашаемся звольніцца, а сем’і распадаюцца вельмі лёгка. Магчыма, частковая прычына – у тым, што людзі маюць ідэалізаваны вобраз сям’і, які яны выбудоўваюць, гледзячы тэлебачанне, тэлесерыялы.

Фундацыя мамы і таты пачала нядаўна даследчыцкі праект, прысвечаны комплекснай прафілактыцы сямейных канфліктаў. Адзін з элементаў праекту – падрыхтоўка падручніка для маладых людзей на тэму жыцця ў сям’і і цывільных курсаў перад заключэннем шлюбнага саюзу.

- Мы пачалі працу над падручнікам у апошнім квартале мінулага году. На падставе падручніка будзем рыхтаваць курсы, пра якія вы згадалі. Адным з важнейшых элементаў падручніка будзе дыялог і адносіны ў сужонстве, будаванне трывалых адносінаў, вырашэнне крызісаў і канфліктаў. Нельга забыць таксама пра нараджальнасць, дзяцей. У Польшчы існуе магутная праблема бясплоднасці, адна пятая параў не можа мець дзяцей або мае праблемы з тым, каб цяжарнасць данасіць. Гэта вельмі сур’ёзная праблема, якая патрабуе комплекснага падыходу. Чарговая тэма – паяўленне дзіцяці ў сям’і, якія змены ў функцыянаванні двух людзей гэтая падзея выклікае. Кожны знойдзе нешта важнае ў гэтым падручніку.

У Польшчы маладыя людзі, якія рыхтуюцца ўступіць у шлюбны саюз, могуць гэта зрабіць або выключна цывільным спосабам, распісваючыся ў адпаведным дзяржаўным органе, або праз заключэнне шлюбу ў касцёле (тады ўжо не трэба распісвацца ў дзяржаўным органе). Перад касцельным шлюбам абавязкова трэба прайсці курсы падрыхтоўкі да жыцця ў сужонстве, але няма цалкам цывільных курсаў для будучых мужа і жонкі. І такія курсы, ды такі падручнік рыхтуе Фундацыя мамы і таты.

- Я падкрэсліваю, што гэта будзе падручнік цывільны, які рыхтуюць эксперты па такіх галінах, як псіхалогія, тэрапія праблем сужонстваў, адносіны ў сям’і, сацыялогія, а таксама эканоміка ці падатковае заканадаўства. Шмат канфліктаў у сям’і звязана з фінансамі, а на самой справе многія канфлікты можна лёгка вырашыць або перадухіліць, калі ведаць пра некалькі простых правілаў.

На канец размовы наш госць папрасіў звярнуцца з кароткімі навагоднімі пажаданнямі да нашых слухачоў.

- А цяпер я хацеў бы прывітаць усіх слухачоў Беларускай службы польскага радыё на беларускай мове. Жадаю вам, дарагія сябры, усяго самага добрага ў Новым годзе, каб Вашы мары споўніліся, каб ваша сям’я, вашы блізкія давалі вам шмат радасці ў той няпросты час, калі прыйшлося нам жыць.   

Жадае старшыня Фундацыі мамы і таты Марэк Грабоўскі.

нг