X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Кулінарная рубрыка: галоўная страва - праванскія катлеты, а на дэсерт - пірог «Зебра» (ВІДЭА)

24.03.2020 18:25
Сёння ў кулінарнай рубрыцы прыгатуем страву з выкарыстаннем вельмі папулярнай у Польшчы прыправы, а на дэсерт зробім пірог, які любяць палякі.
Аўдыё
  • Кулінарная рубрыка: галоўная страва - праванскія катлеты, а на дэсерт - пірог «Зебра»
Zdjęcie ilustracyjne
Zdjęcie ilustracyjneshutterstock.com/Zu Kamilov

І так, сённяшняе меню – гэта праванскія катлеты і пірог «Зебра».

У Польшчы ёсць вельмі папулярная прыправа – праванскія травы (zioła prowansalskie). У яе склад, у прыватнасці, уваходзяць арэгана, чабор, размарын, базілік, маяран і сатурэя. У традыцыйную сумесь траў з Праванса дадаецца таксама шалфей, мята ды лаванда. Гэта вельмі водарная прыправа, якая сапраўды пахне французскім сонечным Правансам. Дарэчы, наколькі я ведаю, у Беларусі праванскія травы таксама маюць сваіх аматараў і гэтую сумесь можна купіць у крамах.

І так, для таго, каб прыгатаваць праванскія катлеты, нам спатрэбіцца 500 г змешанага свінога і ялавічынага фаршу, 1 цыбуля, 2 зубчыкі часнаку, 6 парэзаных сушаных памідораў, 2 яйкі, 3 лыжкі сухароў, алей для самажання, 2 лыжкі масла, 1-2 гарбатныя лыжкі праванскіх траваў, мелены чорны перац, салодкая папрыка, соль.

Цыбулю рэжам кубікамі, часнок дробна сячом нажом і разам смажым на масле. У місцы змешваем фарш, падсмажаныя і астуджаныя часнок і цыбулю, яйкі, сушаныя памідоры, прыправы і вымяшаць у аднародную масу. Калі наш фарш акажацца рэдкі, то дадаем сухары для загусцення. Ну, а пазней робім катлеты ды смажым на алеі на залаты колер.

З чым падаваць, паважаныя радыёслухачы, гэта пытанне густу. Але мне здаецца, што да катлет вельмі пасуе бяльбяное пюрэ, зробленае з дадаткам масла і смятанкі, і салат з памідораў ды агуркоў з соусам вінегрэт. І калі вы зробіце вось гэтыя катлеты, то несумненна ў вашым доме адчуецца Праванс.

А вось пасля галоўнай стравы – час на дэсерт. І сёння прыгатуем вельмі папулярны ў Польшчы пірог, які называецца «Зебра». Для гэтага нам спатрэбіцца 2,5 шклянкі мукі, 3-4 яйкі, 1 шклянка цукру, 1 шклянка алею (павінен быць нейтральны алей, без паху), 1 шклянка газаванага напітку (тыпу «Бураціна», «Крэм-сода» альбо іншага), 2,5 гарбатныя лыжачкі разрыхляльніка, 2 сталовыя лыжкі какавы, крыху масла, сухары, ванільны цукар альбо ванільны водар.

І так, замешваем цеста з мукі, яек, цукру, алею і ванільнага паху, памятаючы пра тое, каб разрыхляльнік пагасіць напіткам. Пазней цеста дзелім на дзве часткі. У адну частку дадаем 2 лыжкі какавы, а ў другую – дадаткова 2 лыжкі мукі.

Форму дыяметрам прыкладна ў 25-26 см намазваем маслам і пасыпаем сухарамі. У цэнтр формы ліем тры лыжкі белага цеста, а пазней – тры какававага, і так папераменна, ажно цеста закончыцца. Пячом прыкладна гадзіну ў тэмпературы 180 градусаў. Ці наш пірог гатовы, правяраем сухой драўлянай зубачысткай.

Я аднойчы спёк і прынёс «Зебру» на радыё пачаставаць калегаў, і журналістам Беларускай службы яна вельмі сападабалася! Зрабіце вы, і я ўнэўнены, што вам таксама спадабаецца!

«Зебра» пасуе з кавай і гарбатай, а найлепш – з малаком альбо какавай!

Смачна есці!

Валеры Саўко

слухайце аўдыёфайл

Больш на гэтую тэму: Лыжка і відэлец