X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польская кухня: гатуем лянівыя варэнікі з тварагом (РЭЦЭПТ)

21.04.2020 21:55
Падаем варэнікі са смятанай, натуральным ёгуртам, узбітымі вяршкамі, можам пасыпаць невялікай колькасць карыцы. 
Лянівыя варэнікі з тварагомscreen/youtube

Сёння ў кулінарнай рубрыцы прыгатуем вельмі папулярную ў Польшчы страву. Прычым гэта можа быць як асобная другая страва, гэтак і сытны дэсерт. Сёння, сябры, раскажам вам, як прыгатаваць польскія лянівыя варэнікі з тварагом.

Па-польску гэтая страва называецца pierogi leniwe. На польскай мове слова pierogi не азначае беларускае «пірагі»: па-польску pierogi – гэта «варэнікі». Зразумела, пераклад нельга назваць самым дакладным, таму што існуе розніца паміж польскімі «перогамі» і беларускімі варэнікамі. Але каб аблягчыць справу, буду гаварыць лянівыя варэнікі.

І так, для таго, каб прыгатаваць гэтую страву, нам трэба ўзяць 500 г тлустага альбо паўтлустага тварагу, тры яйкі, соль па смаку, адну шклянку пшанічнай мукі, ванільны цукар альбо ванільны водар, крыху цукру па смаку. Некаторыя кухары альбо гаспадары/гаспадыні дадаюць карыцу.

І так, жаўткі аддзяляем ад бялкоў. Тварог расціраем з жаўткамі, цукрам і ванільным цукрам. Бялкі з дробкай солі ўзбіваем на вельмі густую пену. Пасля гэтага павольна спалучаем тварог з жаўткамі і цукрам ды ўзбітымі бялкамі. І цяпер дадаем прасеяную праз сіта муку.

А ведаеце, сябры, навошта муку рэкамендуецца прасейваць у выпадку многіх страў, і перш за ўсё выпечкі? А таму, што праходзячы праз сіта, дзякуючы паветру мука становіцца больш пушыстай, і наш канцавы прадукт таксама будзе пушыстым і больш лёгкім.

І так, робім далей варэнікі... Калі цеста будзе клеіцца, не трэба баяцца дасыпаць больш мукі. Цеста павінна па кансістэнцыі нагадваць амаль што пластылін. Але з іншага боку, з мукой нельга перабаршчыць, як гэта гаворыцца, таму што нашы варэнікі будуць цвёрдымі.

Пасля гэтага цеста дзелім на дзве часткі і з кожнай з частак фармуем два валікі таўшчынёю са тры сантыметры. Злёгку прыплюшчваем валік, напрыклад, дошчачкай. Наўскасяк рэжам валік нажом, каб атрымаліся свайго роду ромбікі даўжынёй пяць-шэсць сантыметраў. Зразумела, што для таго, каб цеста не клеілася пры развалкоўванні, стол альбо сталешніцу трэба пасыпаць мукой. Гатовыя варэнікі варым у лёгка падсоленай вадзе. Яны гатовыя, калі ўсплывуць на паверхню. Падаем са смятанай, натуральным ёгуртам, узбітымі вяршкамі, можам пасыпаць невялікай колькасць карыцы (калі не дадавалі ў цеста).

У Польшчы лянівыя варэнікі падаюцца на талерцы, пасыпаныя цукрам. Зразумела, у дадзеным выпадку цукар у цеста не дадаецца, таму што нашая страва выйшла б надта ж салодкая.

Акрамя таго, у Польшчы існуе іншы спосаб падачы не толькі лянівых варэнікаў, але і іншых страў, напрыклад, гатаванай у падсоленай вадзе гародніны, для прыкладу, цвятной капусты альбо капусты брокалі. А менавіта, на патэльні топіцца масла, і калі яно добра разагрэецца, на ім падсмажваецца некалькі сталовых лыжак сухароў. Смажым сухары да залацістага колеру і такой сумессю паліваем нашы варэнікі альбо агародніну. Палякі гэта проста абажаюць! Па-польску гэта называецца bułka tarta z masłem.

Лянівыя варэнікі можна таксама прыгатаваць інакш, а менавіта, падсмажыць на патэльні на масле. Смажыць лепш пад накрыўкай на малым агні, каб яны маглі добра прапячыся ўнутры. Ну, і абавязковая рэч: проста неабходна, каб варэнікі добра падрумяніліся! У гэтым выпадку найлепш іх падаваць з натуральным ёгуртам альбо смятанаю.

Дарэчы, лянівыя варэнікі можна таксама замарозіць.

Смачна есці!

Валеры Саўко

на відэа: прыклад прыгатавання лянівых варэнікаў


Больш на гэтую тэму: Лыжка і відэлец