X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларусы замежжа дапамагаюць Радзіме ў барацьбе з каранавірусам

27.04.2020 17:28
За месяц працы ініцыятывы «ByCovid19 – дапамога дактарам Беларусі» было сабрана больш за 200 тысяч долараў, прыкладна 40 тысяч сабралі беларусы замежжа.
Аўдыё
  • З Варшаўскім каардынатарам руху «ByCovid19 – дапамога дактарам у Беларусі» Аляксандрам Лапко гутарыў Эдуард Жолуд.
   ByCovid19 .       .
Варшаўскі каардынатар руху ByCovid19 А. Лапко і Амбасадар Беларусі ў Польшчы У. Чушаў падчас перадачы дапамогіФота: Амбасада Беларусі ў Варшаве

Ужо месяц як у Беларусі і па-за яе межамі дзейнічае рух «ByCovid19 – дапамога дактарам Беларусі». Неабыякавыя беларусы яднаюцца, самаарганізоўваюцца і аказваюць дапамогу лекарам у Беларусі, якія ў надзвычай складаных умовах змагаюцца з эпідэмія каранавіруса, ратуючы жыцці беларусаў.

Валанцёры стварылі платформу, якая яднае жаданне, магчымасць дапамагчы і пільную патрэбу беларускіх медыкаў. За месяц працы ініцыятывы «ByCovid19 – дапамога дактарам Беларусі» было сабрана больш за 200 тысяч долараў, прыкладна 40 тысяч сабралі беларусы замежжа.

Завадатарам збору сродкаў у Польшчы і перадачы ў Беларусь вельмі патрэбных і дэфіцытных там 280 пульсаксiметраў (прыладаў, якія вымяраюць узровень кіслароду ў крыві) і амаль сотні безкантактных тэрмометраў стаў Аляксандр Лапко:

-Шчыра кажучы ў Польшчы гэта пачалося з таго, што на свой дзень нараджэння напрыканцы сакавіка, замест падарункаў я папрасіў скінуцца і абвясціў збор сродкаў на рэспіратары ў адну лякарню. Гэта адбывалася пры пасярэдніцтве Андрэя Стрыжыка.

ByCovid19 – гэта выдатная платформа, якая аб’яднала некалькі ініцыятываў, дзякуючы ёй існуе магчымасць дапамагаць беларускім медыкам, паводле іх запытаў. Мы тут у Польшчы, таксама далучыліся да гэтага руху. Намі было сабрана больш за 26 тысяч злотых (прыкладна 5,5 тысяч еўра), а наагул беларусы замежжа сабралі каля 40 тысяч долараў.

Чаму вы вырашылі перадаць у Беларусь менавіта безкантактныя тэрмометры і пульсаксiметры, а не нешта іншае? Ці быў адпаведны запыт з боку беларускіх медыкаў?

-У Беларусі вельмі складаная сітуацыя з пульсаксiметрамі і з безкантактнымі тэрмометрамі. Пульсаксмітер дазваляе за некалькі секундаў даведацца ўзровень кіслароду ў крыві, а гэта адзін з асноўных паказнікаў падчас лячэння COVID-19. (…)

Каб вы разумелі, пульсаксмітер беларускай вытворчасці каштуе прыкладна 500 долараў і гэта ў 20 разоў даражэй чым аналагічная прылада ў Польшчы. Падобная сітуацыя назіраецца і з безкантактнымі тэрмометрамі. (...)

Беларуская ўлада вельмі неадназначна ставіцца да эпідэміі каранавіруса. Як выглядала ваша супрацоўніцтва з Амбасадай Беларусі ў Варшаве? Як дыпламаты паставіліся да вашай прапановы перадаць на Радзіму гэтую дапамогу?

- Амбасада вельмі станоўча адрэагавала на наш запыт, яны былі вельмі зацікаўленыя ў перадачы гэтай дапамогі ў Беларусь. Калі б не заангажаванае нашых дыпламатаў, наагул нічога магло бы не атрымацца, бо вываз безкантактных тэрмометраў з Польшчы зараз забаронены. Амбасада звярнулася з адпаведнай просьбай у МЗС Польшчы і атрымала дазвол на вываз.

Пульсакісметры і тэрмометры ўжо дастаўлены ў Беларусь. Дастаўкай дапамогі займалася Генконсульства ў Беластоку. Амбасадара Чушаў падзякаваў беларусам замежжа за падтрымку, падзякаваў ініцыятыве ByCovid19.

Напэўна вы збіраецеся працягваць дапамагаць беларускім медыкам і дастаўляць чарговыя партыі неабходных для барацьбы з эпідэміяй прыладаў?

-Так, канечне, нашыя акцыя працягваецца. Мы нават не выдаткавалі ўсе сабраныя сродкі. Зараз мы чакаем новую партыю безкантактных тэрмометраў. Таксама працягваем збор сродкаў. Спадзяемся, што пры дапамозе нашай амбасады, нашых дыпламатаў мы перадамо чарговую партыю прыладаў.

Гэта важная дапамога, бо амаль у кожнай больніцы ёсць патрэба ў пульсаксіметрах і безкантактных тэрмометрах. Да нас вельмі часта звяртаюцца дактары менавіта з просьбай раздабыць гэтыя прылады. Працягнем нашыя намаганні, бо мы можам ім дапамагчы. (...)

З Варшаўскім каардынатарам руху «ByCovid19 – дапамога дактарам у Беларусі» Аляксандрам Лапко гутарыў Эдуард Жолуд.

Слухайце аўдыё!