X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Рэдакцыйная кухня: гатуем пірог з рабарбарам (РЭЦЭПТ)

23.06.2020 21:09
Як толькі пачынаецца лета, у польскіх крамах з'яўляецца рэвень – вельмі папулярная сярод палякаў расліна.
Аўдыё
  • Рэдакцыйная кухня: гатуем пірог з рабарбарам
Sezon na rabarbar jest krótki, dlatego warto dobrze go wykorzystać
Sezon na rabarbar jest krótki, dlatego warto dobrze go wykorzystać shutterstock

Сёння ў кулінарнай рубрыцы спячом пірог з вельмі папулярнай у Польшчы раслінай – рэвенем. Ён смачны, з лёгкай кіслінкай і робіцца няцяжка.

Як толькі пачынаецца лета, у польскіх крамах з'яўляецца рэвень – вельмі папулярная сярод палякаў расліна. Дарэчы, па-польску яна называецца rabarbar, а ў беларускай мове ўжываюцца дзве назвы – менавіта рэвень і таксама рабарбар. Так што, сябры, называйце гэтую расліну так, як хочаце.

Рабарбар – травяністая расліна. На першы погляд рабарбар можа асацыявацца з нейкім лапухом – доўгае зялёнае або чырвонае сцябло з вялікім шырокім лістом. Здараецца, што ў некага ён гадамі расце на дачы, часта яго скошваюць, бо гаспадары блытаюць рабарбар з нейкім чарговым пустазеллем.

Рабарбар – смачная і незвычайна карысная расліна, а калі прыгатаваць з яе пірог, то ён з лёгкасцю заменіць яблыкі. У рабарбары ядомыя толькі чаранкі, а вось лісце шкоднае для арганізму з-за вялікага ўтрымання шчаўевай кіслаты.

Асноўную каштоўнасць уяўляюць менавіта гэтыя тоўсценькія чаранкі.

Рабарбар дапаможа палепшыць апетыт, страваванне і даставіць арганізму карысныя рэчывы. Ён утрымлівае вітаміны з групы А, B, C, PP, карацін, пекцін, а таксама калій, магній, фосфар і валодае агульнаўмацавальнымі і танізавальнымі ўласцівасцямі. Рабарбар зʼяўляецца добрым жоўцегонным і слабільным сродкам.

Рабарбар мае прыемны водар і кіслы смак, які нагадвае шчаўе. І сёння галоўны герой кулінарнай рубрыкі – менавіта рабарбар. А спячом мы духмяны пірог з асвяжальным кісла-салодкім смакам.

І так, для выпечкі нам трэба:

рабарбар 250 г
цукар 150 гр
мука 150 гр
яйкі 4 шт.
карыца па смаку

Рабарбар добра вымыць і ачысціць ад валокнаў.
Нарэзаць сцябло рабарбара брусочкамі даўжынёй 7-10 см.
Яйкі злучыць з цукрам і молатай карыцай.

Узбіць усё міксерам. Маса павінна пабялець, згуснуць і моцна павялічыцца ў абʼёме. Муку прасеяць і часткамі дадаць ва ўзбітыя яйкі.

Пасля дадання кожнай порцыі мукі акуратна змешваць цеста лапаткай. Доўга змешваць не трэба, каб захаваць у ім як мага больш паветра. Тады бісквіт будзе пышным. Правільна прыгатаванае бісквітнае цеста павінна сцякаць з лапаткі шырокай палоскай.

Перакласці цеста ў змазаную раслінным алеем форму для выпечкі. У цеста вертыкальна ўторкнуць хвосцікі рабарбара. Пры выпяканні цеста паднімецца і цалкам пакрые хвосцікі. Выпякаць пірог у папярэдне разагрэтай да 180°С духоўцы каля 45 хвілін. Духоўку ў гэты час пажадана не адчыняць, каб цеста не асела.

Гатовы пірог патрымаць у астываючай духоўцы яшчэ 10 хвілін. Затым выняць пірог з формы, цалкам астудзіць пры пакаёвай тэмпературы, пасыпаць цукровай пудрай і нарэзаць на кавалачкі.

Смачна есці!

Валеры Саўко

на фота: рабарбар

слухайце аўдыёфайл


Больш на гэтую тэму: Лыжка і відэлец