X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Еўрапейцы расчараваныя паводзінамі ўладаў ЕС падчас пандэміі

30.06.2020 14:31
Здавалася, што павысіцца падтрымка для дзяржавы, вернецца давер да экспертаў, але так не сталася.
Ілюстрацыйны здымакwww.pixabay.com/geralt/CC0 Creative commons

Глыбокае расчараванне – так у некалькіх словах можна назваць настрой еўрапейцаў падчас пандэміі каранавіруснай інфекцыі – піша Gazeta Wyborcza. Гэтак сітуацыя выглядае ў апытанні грамадскай думкі, якое адбылося па замове Еўрапейскай рады міжнародных адносінаў. Апытанне было праведзена ў красавіку, між іншым, у Францыі, Германіі, Польшчы, Італіі, Іспаніі, Партугаліі ды Балгарыі.

Здавалася, што дзякуючы пандэміі павысіцца падтрымка для большай ролі дзяржавы, вернецца давер да экспертаў. Аказалася, што гэтыя тэзісы сябе не апраўдалі – пішуць аўтары апытання. Еўрапейцам не падабаецца, што крызіс паказаў адсутнасць еўрапейскай салідарнасці і адзінага адказу, а таксама яны скептычна ставяцца да дзеянняў дзяржаўных уладаў. Тым не менш, рашучая большасць апытаных перакананыя, што неабходнае больш блізкае супрацоўніцтва ў рамках ЕС.

«Актуальны крызіс – гэта, бадай, самы вялікі грамадскі эксперымент нашых часоў, – адзначаюць аўтары дакладу. – Невядома, калі і як ён скончыцца. Еўрапейскія лідары павінны знайсці адзіны адказ на падобныя надзвычайныя здарэнні, каб людзі падтрымалі тое, што робяць улады. Яны павінны зразумець, як COVID-19 змяніў (або не змяніў) боязі і спадзяванні еўрапейцаў».

Вялікі адсотак жыхароў ЕС мяркуе, што падчас эпідэміі іх дзяржава засталася ў цяжкім становішчы без хаўруснікаў. У Польшчы так мяркуе прыкладна адна трэцяя апытаных. У сваю чаргу толькі 4% італьянцаў адчуваюць, што Еўрапейскі Саюз быў хаўруснікам Італіі падчас пандэміі.

Пры гэтым аўтары дакладу супакойваюць, што, нягледзячы на расчараванне паводзінамі ўладаў Еўрапейскага Саюзу, жыхары Еўропы далёкія ад меркавання, што ЕС зусім не патрэбны. Больш за 60% апытаных мяркуюць, што гэта павінен быць урок на будучыню, а еўрапейскія ўрады павінны бліжэй супрацоўнічаць, асабліва ў барацьбе з крызісамі.

нг