X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Пандэмія можа выклікаць у бедных краінах масавы голад

30.06.2020 14:55
У бяднейшых краінах, асабліва там, дзе ідуць ваенныя дзеянні, здзяйсняюцца найгоршыя сцэнары развіцця пандэміі.
Аўдыё
Image by Gerd Altmann from Pixabay
Image by Gerd Altmann from Pixabay Pixabay License

Багатыя дзяржавы Заходняй Еўропы ды Паўночнай Амерыкі з цяжкасцю спраўляюцца з пандэміяй новай пнеўманіі COVID-19. Значна горшая сітуацыя назіраецца ў бедных краінах Афрыкі, Паўднёвай Амерыкі ці Індыі. Асабліва ў афрыканскіх дзяржавах, якія пакутуюць ад лакальных канфліктаў ды кліматычных зменаў, пандэмія можа выклікаць масавы голад і смерць людзей.

Калі на пачатку вясны ў Еўропе пачалася пандэмія каранавіруснай інфекцыі, здавалася, што дзяржавы афрыканскага кантыненту даволі ўстойлівыя на дзейнасць падступнага віруса. Эксперты адзначалі, што жыхары Афрыкі – у пераважнай большасці адносна маладыя людзі, якія лягчэй пераносяць захворванне або зусім не хварэюць. Цяпер жа, калі эпідэмія новай пнеўманіі працягваецца ўжо палову году, становіцца зразумела, што крызіс з вялікай сілаю ўдарыць таксама па бедных дзяржавах.

У бяднейшых краінах, асабліва там, дзе ідуць ваенныя дзеянні, здзяйсняюцца найгоршыя сцэнары развіцця пандэміі – хвароба захапляе ўсё большыя тэрыторыі Афрыкі ды Паўднёвай Амерыкі, а таксама Індыі і Пакістану. Пра гэта, у прыватнасці, пішуць эксперты Associated Press са спасылкай на экспертаў. Спецыялісты даўно перасцерагалі, што вірус, які выклікаў крызіс у сістэмах аховы здароўя багатых краін, будзе ахопліваць цэлыя грамадствы ў бедных дзяржавах. Напрыклад, на поўдні Емена, дзе працягваецца вайна, супрацоўнікі службы аховы здароўя масава адмаўляюцца ад сваіх абавязкаў у выніку адсутнасці сродкаў асабістай аховы, а некаторыя шпіталі ўжо не прымаюць хворых на COVID -19, нават калі тыя не могуць нармальна дыхаць.

Дабрачынныя арганізацыі з усяго свету пачалі чарговы этап дапамогі краінам Афрыкі. Яны хочуць памагчы жыхарам змагацца з голадам. Эксперты перасцерагаюць, што не толькі каранавірус, але перш за ўсё кліматычныя змены ды лакальныя канфлікты спіхваюць чарговыя сацыяльныя групы ў галечу. Скажам, у Нігерыі яшчэ перад пандэміяй у выніку засухі, сяляне з цяжкасцю зараблялі сабе на хлеб, а каранавірус яшчэ больш пагоршыў сітуацыю. Пра гэта кажуць Умар ды Ібрагім з правінцыі Борна на паўночным усходзе Нігерыі.

- Часам мы не ямо нічога цэлы дзень. Заварваем ваду і п’ем яе замест гарбаты. Па прычыне каранавіруса мы не можам выйсці з дому. Мы не можам працаваць, каб зарабіць сабе на жыццё.

Міжнародныя гуманітарныя арганізацыі пачалі раздаваць сялянам насенне ды грошы. Такую акцыю вядзе, у прыватнасці, Міжнародны камітэт Чырвонага крыжа. Абас Ішаг з мясцовага офісу арганізацыі адзначае, што частка сем’яў, дзякуючы гэтаму, можа перастаць хвалявацца, ці яны не памруць з голаду.

- Такім чынам сем’і могуць усе свае высілкі ды энергію накіраваць на раслінагадоўлю, а не на пошукі харчавання. І менавіта таму, акрамя насення, мы даем ім грашовыя сродкі.

Сярод краінаў Афрыкі на дадзены момант адной з дзяржаваў, якія найбольш могуць пацярпець ад каранавіруса, з’яўляецца Самалі. Там назіраецца высокі працэнт вельмі бедных людзей, працягваюцца этнічныя канфлікты, часта здараюцца паводкі. У выніку жыхары дзяржавы больш рызыкуюць захварэць, чым іх суседзі. Дабрачынныя арганізацыі адзначаюць, што колькасць выпадкаў захворвання значна вышэйшая, чым вынікае з афіцыйнай статыстыкі. Перадае карэспандэнт Польскага радыё Войцех Цэгельскі (Wojciech Cegielski).

- У выніку грамадскіх хваляванняў ды стыхійных бедстваў, у Самалі расце колькасць людзей, якія пакідаюць свае дамы і шукаюць прытулку ў часовых лагерах для ўцекачоў. «Кожны дзень прыбывае мноства новых людзей. Частка з іх спіць пад адкрытым небам. Ім няма куды пайсці, у іх няма нават пледаў, каб накрыцца, ім няма чаго есці», – гаворыць Хабіба, самалійка, якая жыве ў лагеры для ўцекачоў на прадмесцях сталіцы Самалі – Магадыша. Міжнародны камітэт Чырвонага крыжа ўстрывожаны тым, што ў часовых лагерах назіраецца вялізная рызыка паяўлення новых ачагоў каранавіруснай інфекцыі. У Самалі афіцыйна паведамляецца пра амаль 2900 выпадкаў захворванняў, аднак Анна Марыя Гузман з Чырвонага крыжа мяркуе, што на самой справе хворых значна больш: «Па прычыне канфліктаў і паводкі расце лічба ўцекачоў, якія перабіраюцца жыць у гарады. А гэта стварае выдатныя ўмовы для віруса». Міжнародны камітэт Чырвонага крыжа пачаў дэзынфекцыю трыццаці лагераў для ўцекачоў, на месца пастаўляюць таксама чарговыя партыі тэстаў на каранавірус.

Самалі ўжо шмат гадоў, з 90-ых гадоў мінулага стагоддзя, знаходзіцца ў стане грамадзянскай вайны. Улады надта слабыя, каб справіцца з канфліктамі, а на тэрыторыі краіны сапраўдную ўладу трымаюць баевікі з розных узброеных груповак. Ісламскія фанатычныя баевікі з арганізацыі Харакат аш-Шабаб рэгулярна рыхтуюць замахі ў сталіцы краіны, паколькі яны імкнуцца захапіць уладу і ўвесці законы ісламскай дзяржавы.

нг