X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Рэдакцыйная кухня: гатуем сезонную страву - леча

11.08.2020 15:28
Цяпер пачынае спець гародніна і садавіна, і грэхам было б не выкарыстаць гэтую нагоду.
ЛечаRobfoto/pixabay.com/pixabay free images for commercial use

У кулінарнай рубрыцы, сябры, мы працягнем гатаваць сезонныя стравы. Цяпер пачынае спець гародніна і садавіна, і грэхам было б не выкарыстаць гэтую нагоду. А калі на вашым агародзе яшчэ гародніна не саспела, дык можна яе купіць на рынку альбо ў краме – цяпер яна ўжо недарагая. І так, сёння прыгатуем леча.

І так, для таго, каб прыгатаваць духмянае, каляровае і смачнае леча нам спатрэбіцца кілаграм чырвонага перца, 200 г морквы, каля 1 кілаграма мяккіх памідораў, некалькі зубкоў часныку, некалькі цыбулін і паўпучка пятрушкі.

Памідоры мыем, наразаем на чвэрці. Перац таксама мыем, выдаляем пладаножкі, дробна шынкуем. Моркву чысцім, мыем і сціраем на тарцы. Цыбулю наразаем паўколцамі. Некаторыя кухары рэкамендуюць яе ашпарыць, але я гэтага не раблю.

Нарэзаныя памідоры прапускаем праз мясасечку, а часнык – праз прэс, пятрушку рэжам. Усе прадукты ўкладваем у шырокую міску альбо каструлю і ставім на невялікі агонь. Найлепш, каб пасудзіна мела тоўстае дно, тады наша страва не прыгарыць.

У працэсе гатавання гародніна выпускае нямала соку. Першапачаткова гародніну трэба старанна перамешваць. Потым агонь трэба зменшыць да мінімуму і пакінуць варыцца да гатовасці. Падчас гатавання трэба дадаць соль і цукар па смаку, некалькі сталовых лыжак расліннага алею. Хоць я аддаю перавагу вельмі добрай аліўкавай аліве.

Калі памідоры кіслыя, то дадаваць больш нічога не трэба, але калі саладкаватыя, то можна ўліць пару лыжак вінаграднага воцату. Гэта адзін з варыянтаў... Я ж прапаную выціснуць сок з лімона для кіслінкі. І зноў жа пытанне: колькі? Хто як любіць – па смаку. У якасці варыянта можна таксама дадаць сок лайма, і тады страва атрымае экзатычны водар. Але гэта ўжо на аматара.

Зразумела, дадаём прыправы: духмяны перац, лаўровы ліст, чорны перац гарошкам і молаты. А таксама, але гэта выключна мая інтэрпрэтацыя, праванскія травы. Гэта мая любімая прыправа! Дзякуючы ёй атрымаеце дома пах сонечнага Праванса!

Можна, канешне, дадаць у леча парэзанае падсмажанае мяса альбо каўбасу. Але я б застаўся аднак пры вегетарыянскай схеме. Па-першае, больш карысна. Па-другое, пры такой спякоце арганізм хоча нечага больш лёгкага. А падаць леча прапаную з рысам. Адварваем рыс і на талерцы падаём, паліўшы яго саліднай порцыяй леча. Хоць таксама чытаў пра варыянты падачы з бульбай. Таксама можна, тым больш узяўшы пад увагу любоў да бульбы сярод беларусаў, ды і палякаў таксама.

У якасці варыянту можна выкарыстаць не чырвоны, а белы балгарскі перац. У гэтай страве таксама неабавязкова трымацца нейкіх прапорцый, таму можна даць больш памідораў і менш перцу ды наадварот – на смак гэта асаблівым чынам не паўплывае.

Ну, а пра карысць гародніны гаварыць не прыходзіцца – гэта проста скарбніца вітамінаў і мінералаў! Гародніна – гэта таксама клятчатка, якая аказвае вялізны ўплыў на правільнае функцыянаванне стрававальнай сістэмы.

Смачна есці!

Валеры Саўко

здымак мае ілюстрацыйны характар

Больш на гэтую тэму: Лыжка і відэлец