X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

«Секерaзада» – д'ябальскі бар у Ціснай (ФОТА)

21.08.2020 18:11
Бар «Секеразада» – гэта легендарнае месца ў Бяшчадах.
Аўдыё
  • Бар «Секеразада» – гэта легендарнае месца ў Бяшчадах.
       .
Бар «Секеразада» – гэта легендарнае месца ў Бяшчадах.Photo: Anna Zadrożna/Redakcja Białoruska/PRdZ

Кожны, хто хоць раз паедзе ў горы Бяшчады, абавязкова павінен наведаць культавы бар «Секеразада»(Siekierezada) у вёсцы Цісна (Cisna). Цісна – гэта невялікая вёска ў Падкарпацкім ваяводстве, то бок на паўднёвым усходзе Польшчы.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Назва «Секеразада» невыпадковая, яна звязана з вядомым у Польшчы аднайменным фільмам з 1986 года, знятым паводле рамана «Секеразада альбо зіма лясных людзей» («Siekierezada albo Zima leśnych ludzi»), аўтарства знакамітага польскага пісьменніка Эдварда Стахуры (Edwadr Stachura).

У сваёй творчасці Стахура неаднойчы навязваў да Бяшчадаў. Таму менавіта тут ладзяць шматлікія фестывалі ці паэтычныя вечары, прысвечаныя пісьменніку.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Тым часам, паводле меркавання часткі культуразнаўцаў і літаратуразнаўцаў, сувязі Эдварда Стахуры з горамі Бяшчады – толькі і выключна легенда. На іх думку, Бяшчады выдатна ўпісваліся ў біяграфію паэта – аўтсайдара, а кінафільм толькі ўмацаваў яго бяшчадскі міф. Яны пераконваюць, што акрамя жонкі Зыты Оршын, якая паходзіла з адной з мясцовых вёсак Загужа (Zagórze), у пісьменніка не было асаблівых сувязяў з Бяшчадамі, а паводле ягоных дзённікаў, ён сам пабываў у Бяшчадах толькі адзін раз.

Нягледзячы на гэта, бяшчадскага легенда Эдварда Стахуры пачала жыць уласным жыццём.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Ёсць некалькі прычын, па якіх варта наведаць «Секеразаду». Па-першае, тут можна добра паесці, выпіць у добрай кампаніі, паслухаць цікавыя бяшчадскія гісторыі і пры нагодзе паглядзець інтэрʼер бару, які выглядае, як самага высокага ўзроўню галерэя.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Бар на пачатку 1990-х гадоў заснаваў мясцовы жыхар Рафал Дамінік. Першапачаткова ён быў месцам сустрэчы «лясных людзей», то бок лесарубаў і вугальшчыкаў, якія выпальваюць драўляны вугаль. Таму і сімвалам згаданага месца стала сякера. Аднак, гэты сімвал хутка перамог іншы – бяшчадскіх д’яблаў. Цяпер гэта менавіта скульптуры бяшчадскіх д’яблаў – найбольш характэрны элемент дэкору.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Дарэчы, гэта не здзіўляе, паколькі паводле адной з легендаў, назва Бяшчады (Bieszczady) паходзіць ад спалучэння слоў «Bies», то бок д’ябал і «Czady».

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ
Паводле згаданай гісторыі, у даўнія часы страшны дʼябал (Bies), які выйграў тамтэйшыя землі падчас гульні ў карты з анёламі, страшэнна пераследаваў мясцовых жыхароў. Ён не любіў людзей, таму пастаянна ўскладняў ім жыццё. Д’ябал стварыў сабе памочнікаў, якіх назваў Чады. Чады пачаткова паслухмяна выконвалі волю свайго стваральніка і сумленна здзекаваліся над людзьмі. Аднак праз некаторы час яны зразумелі, што гэта супраць іх натуры і збунтаваліся. З таго часу Чады пачалі ваяваць з Д’яблам, у чым ім дапамагалі мясцовыя жыхары. У памяць аб гэтым змаганні ўвесь рэгіён атрымаў назву Бяшчады (BiesCzady).
Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Выявы д’яблаў займаюць амаль кожны свабодны куток і сценку бару «Секеразада». Гэта ў асноўным працы мясцовых мастакоў, якіх у ваколіцы жыве і працуе даволі шмат. Галовы, бюсты і фігуры д’яблаў глядзяць на гасцей з усіх бакоў.

Аднак бар стаў вядомым таксама дзякуючы групе заўсёднікаў – незвычайных і маляўнічых персанажаў, «свабодных духаў» Бяшчадаў.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Некалькі гадоў таму будынак быў пашыраны і павялічыўся амаль удвая, у тым ліку на прасторную залу з антрэсолям, дзе праводзяцца канцэрты. Тут на сценках можна пабачыць партрэты барадатых жыхароў Бяшчадаў.

Дарэчы, заснавальнік бару прыйшоў да высновы, што багатае жыццё гэтага месца, звязаныя з ім анекдоты і гісторыі жыцця наведвальнікаў настолькі цікавыя, што варта іх запісаць. Такім чынам свет убачылі некалькі кніжак з аповедамі мясцовых жыхароў і кліентаў бару.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Па сённяшні дзень у «Секеразаду» турыстаў прыцягвае як асаблівы клімат, выключны дызайн інтэрʼеру, вельмі смачная ежа, так і бяшчадскія аповеды, якіх пры нагодзе тут можна паслухаць.

Бар «Секеразада» – гэта таксама культурніцкі цэнтр Бяшчадаў. Тут часта адбываюцца канцэрты, паэтычныя вечарыны, выставы мастакоў і сустрэчы з аўтарамі. У сваю чаргу ў гаражы, які знаходзіцца побач, можна паглядзець калекцыю аўтамабіляў, сабраных уладальнікам.

Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ Бар «Секеразада» ў Бяшчадах. Photo: Anna Zadrożna/Redakcja Białoruska/PRdZ

Думаю, што, прабываючы ў Бяшчадах, варта запланаваць адзін вечар у «Секеразадзе», хаця б дзеля таго, каб самому пераканацца, ці згаданае месца заслугоўвае тытулу бяшчадскай легенды.

Анна Задрожна




Больш на гэтую тэму: Запрашаем у Польшчу