X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Каплічка Шчаслівага вяртання ў Палянках(ФОТА)

02.10.2020 16:12
Гэта месца, у якім бяшчадскія турысты дзякуюць за шчаслівае вяртанне.
Аўдыё
  • Каплічка Шчаслівага вяртання ў Палянках.
    .
Каплічка Шчаслівага вяртання ў Палянках.Photo: Anna Zadrożna/Redakcja Białoruska/PRdZ

Сёння я прапаную пазнаёміцца з адным з самых вядомых месцаў у горах Бяшчады, то бок з Каплічкай „Шчаслівага вяртання”, якая знаходзіцца на тэрыторыі былой вёскі Палянкі (Polanki). Аб’ект размешчаны на высокім беразе горнай ракі Салінка(Solinka) па дарозе з вёскі Бук(Buk) у вёску Тэрка(Terka).

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ

Каплічка „Шчаслівага вяртання”, якую называюць таксама „Кібаковай каплічкай” – гэта адзін з найбольш славутых гэткіх аб’ектаў у Бяшчадах - вядомы амаль кожнаму аматару гэтага дзікага рэгіёну паўднёвай Польшчы.

Каплічка „Шчаслівага вяртання” ў Палянках невялікае, простае збудаванне, якое, на першы погляд, не адрозніваецца ад іншых падобных. Аднак тыя, хто спыніць аўтамабіль, здзіўлены прысутнасцю нечаканага аб’екта ля самой дарогі, а калі падыдзе бліжэй, пераканаецца, што гэта асаблівае месца. Дарэчы, побач з каплічкай знаходзіцца невялікая стаянка, дзе можна пакінуць машыну. 

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ
Перад каплічкай пастаянна гараць свечкі. Турысты пакідаюць тут свае ахвяраванні: ружанцы, бранзалеты, пярсцёнкі, соскі, а нават манеты „на ўдачу”.

Каплічка „Шчаслівага вяртання” ў Палянках – гэта незвычайнае і таямнічае месца.
Існуе некалькі легендаў, калі гаворка ідзе пра дату ейнай пабудовы і прычыну, па якой яна была ўзведзена.

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ

Паводле адной з іх, каплічку ў 1896 годзе пабудаваў Міхал Краеўскі(Michał Krajewski) – прадстаўнік роду, які валодаў гэтымі землямі з XVI стагоддзя. Паводле легенды, Міхал Краеўскі аднойчы паехаў па справах у непадалёкую вёску Цісна(Cisna). Ужо сцямнела, калі ён вяртаўся назад. У нейкі момант, па незразумелых прычынах коні спалохаліся і зацягнулі ўвесь экіпаж у прорву. Экіпаж разбіўся на дробныя кавалкі, коні загінулі. Аднак уладару і ягонаму фурману пашанцавала. Фурман зачапіўся за куст недзе ў палове схіла, а ягоны пан схапіўся за дрэва на самым пачатку, так што можна сказаць, што ён зусім не ўпаў. Калі мужчыны вярнуліся назад на дарогу, Краеўскі паабяцаў, што ў падзяцы за цудоўнае выратаванне пабудуе ў гэтым месцы каплічку.

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ

Паводле іншай легенды, у 1848 годзе фурман Кібак ехаў на возе, запрэжаным валамі, з вёскі Явожэц (Jaworzec) у Палянкі. У моманце, калі дарога небяспечна наблізілася да высокага берага Салінкі і звузілася, фурману прыйшлося размінуцца з падраздзяленнем царскіх войскаў, адпраўленых для падаўлення паўстання ў Венгрыі. Салдаты спяшаліся і вырашылі дапамагчы фурману. Яны перасунулі воз на ўскраіну дарогі, але зрабілі гэта кепска, таму што ён разам з валамі зваліўся ўніз. Толькі Кібак цудам выжыў. Пасля трагічная здарэння мужчына ўзвёў у гэтым месцы каплічку. Адсюль і назва „Кібаковая каплічка”.

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ

Сёння Каплічка „Шчаслівага вяртання” стаіць самотна на высокім берагу Салінкі ў бязлюднай вёсцы. Аднак яна не дазваляе людзям забыць пра сябе. Сваёй зусім нечаканай прысутнасцю прымушае турыстаў спыніць аўтамабілі, запаліць свечку і памаліцца.

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ

Унутры каплічкі быў змешчаны цудоўны верш Вяславы Квінта-Кочан(Wiesława Kwinto-Koczan) пад загалоўкам: „Каплічка Шчаслівага вяртання”.

Na wysokim piętrze, jakby szykując się do lotu,
stromym daszkiem nakryta Kapliczka Szczęśliwego Powrotu.

Pod nią rzeczne wiry na kamieniach brzęczą.
Wędrowcy świecę palą z wiadomą intencją.

Pomóż wrócić do domu z bieszczadzkich wykrotów
Samotna biała Kapliczko Szczęśliwych powrotów.

Гэта малітва да крытай стромкім дахам, адзінокай белай каплічкі, якая стаіць на высокім берагу горнай ракі. Гэта просьба аб шчаслівым вяртанні дадому з бяшчадскіх нетраў.

Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ Каплічка Шчаслівага вяртання ў Палянках. Photo: Anna Zadrożna/Redakcja Białoruska/PRdZ

Побач з аб’ектам, уніз да Салінкі, вядзе лясная сцяжынка, з якой можна палюбавацца панарамай горнай ракі і навакольнай прыродай.

Каплічка „Шчаслівага вяртання” - гэта адно са знакавых месцаў у Бяшчадах. Варта яго наведаць па розных прычынах, перш за ўсё, каб падзякаваць за ўласныя шчаслівыя вяртанні.

Анна Задрожна




Больш на гэтую тэму: Запрашаем у Польшчу