X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

З 2 на 3 кастрычніка 1944 была падпісаная капітуляцыя Варшаўскага паўстання

03.10.2020 14:01
Галоўнакамандуючы Польскага войска Тадэвуш Бор-Камароўскі вырашыў, што далейшы супраціў не мае ніякага стратэгічнага сэнсу.
Аўдыё
  • З 2 на 3 кастрычніка 1944 была падпісаная капітуляцыя Варшаўскага паўстання
Pomnik Powstania Warszawskiego
Pomnik Powstania Warszawskiegoshuttesrstock/marekusz

Напрыканцы верасня 1944 году нямецка-фашысцкія войскі распачалі маштабнае наступленне на асноўныя раёны Варшавы: Макотаў, Жалібаж (Mokotów, Żoliborz). У гэтых раёнах ішлі жорсткія сутыкненні паўстанцаў з фашыстамі, аднак перавага была па баку гітлераўцаў. Пад кантролем паўстанцаў заставаўся толькі цэнтр Варшавы «Сьрудмесце» (Śródmieście).

У выніку галоўнакамандуючы Польскага войска Тадэвуш Бор-Камароўскі (Tadeusz Bór-Komorowski) вырашыў, што далейшы супраціў не мае ніякага стратэгічнага сэнсу. Было прынятае рашэнне пайсці на перамовы з гітлераўцамі па капітуляцыі. Пасля гэтага ў Ажараў (Ożarów), дзе знаходзіўся штаб нямецкіх войскаў, якімі кіраваў генерал Эрых фон дэн Бах, была накіравана дэлегацыя, якая прадстаўляла паўстанцаў.

На пачатку была падпісана дамоўленасць па спыненню агную з 1 па 2 кастрычніка і менавіта ў Ажараве пачаліся перамовы па капітуляцыі. Размовы доўжыліся з 8 гадзіны раніцы да 21 гадзіны вечара 2 кастрычніка. Ад імя галоўнай камендатуры Арміі Краёвай перамовы вялі палкоўнік Казімеж Іранэк-Асмэцкі «Хэлер» (Kazimierz Iranek-Osmecki «Heller»), і палкоўнік Зыгмунт Дабравольскі «Зындрам» (Zygmunt Dobrowolski «Zyndram»). Канчатковая версія дакументу была падпісана ў начы з 2 на 3 кастрычніка.

У адпаведнасці з дакументам, з 2 кастрычніка прыпыняліся ўсе ваенныя дзеянні і супраціў. Вайскоўцы АК павінны былі скласці зброю і пачаць разбіраць барыкады, яны таксама павінны былі вызваліць усіх палонных нямецкіх салдат. У сваю чаргу, гітлераўскае камандаванне прызнавала паўстанцаў АК ваеннапалоннымі і гарантавала адпаведны падыход на аснове Гаагскай канвенцыі.

У Ажараве быў створаны спецыяльны часовы лагер для салдат АК. У выніку ў вайсковы палон трапіла больш за 16 тыс. паўстанцаў. Афіцэры АК былі накіраваныя ў адмысловыя «афіцэрскія» лагеры, ў тым ліку Тадэвуш Бор-Камароўскі. Пазней афіцэраў удалося вызваліць і вывезці швейцарскай амбасадзе і Чырвонаму Крыжу.

У наступных днях кастрычніка палонныя вайскоўцы былі пераразмеркаваныя ў іншыя лагеры на тэрыторыі Польшчы і Нямеччыны, у гэтак званыя шталагі, «агульны лагер» для ваеннапалонных. Умовы ўтрымання палонных у Ажараве, перавоз іх у шталагі, былі жудаснымі.

Агульна паўстанне доўжылася 63 дні, падчас яго загінула каля 10 тыс. вайскоўцаў АК і ад 150 да 200 тыс. жыхароў Варшавы.

Павал Усаў

Больш на гэтую тэму: Лісток каляндара