Сітуацыю аналізуе Яцэк Нізінкевіч у газеце "Rzeczpospolita". Гаворка ідзе пра сітуацыю ў Польшчы. Каментатар мяркуе, што грамадскія пратэсты адхіляць кіраванне Качыньскага.
Нягледзячы на рызыку заражэння, затрымання і нападу нацыяналістаў, па ўсёй Польшчы людзі выходзяць на пратэсты. Шматтысячныя дэманстрацыі выклікалі новаўвядзенні ў закон пра аборты. Нават католікі не пагаджаюцца з прымусам нараджаць дзяцей з цяжкімі генетычнымі пашкоджаннямі, якія і так памруць пасля нараджэння.
Гэты грамадскі бунт не шукае падтрымкі ў палітыкаў. Ураду кажа - у лагодным перакладзе - адступай! апазіцыі - не ўмешвайся!
На вуліцы выходзяць маладыя людзі.
Палякі больш не аказваюць удзячнасці за 500+, за зніжэнне пенсійнага ўзросту і сацпраграмы. Сёння яны расчараваныя неефектыўнасцю і прыгнётам з боку ўлады.
Няма дастатковай колькасці апаратаў штучнай вентыляцыі, сістэма аховы здароўя на скраю вынослівасці, чарговыя сектары прымушаюцца да лакдаўну, улады ваююць супраць ЛГБТ, а мністрам адукацыі паставілі неталерантнага Пшамыслава Чарнэка (Przemysław Czarnek).
Чаканні ўраду, што пратэсты здуюцца, здарма, таму што злосць палякаў будзе расці разам з чарговымі абвастрэннямі, якія несумненна адаб'юцца на якасці жыцця народу, - піша Яцек Нізінкевіч у газеце "Rzeczpospolita".
яс