X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Высокая смяротнасць у Польшчы ад COVID-19 - вынік Ражджаства

21.01.2021 19:02
Маладыя палякі не паслухалі спецыялістаў і паехалі на Каляды да сям'і, заражаючы падчас візіту бабуль і дзядуль. 
Zdj. ilustr.
Zdj. ilustr. Shutterstock/Kiryl Lis

Каранавірус збірае ў Польшчы смяротнае жніво, паведамляе на сваіх палосах газета Rzeczpospolita. І хоць сутачны рост заражаных каранавірусам грамадзян падае, то аднак смяротнасць у выніку COVID-19 знаходзіцца на высокім узроўні. У сераду памерлі 443 чалавекі, днём раней – 291, хоць лічба заражаных склала ўсяго каля 5 тыс. чалавек. Гэта нямнога, калі ўзяць пад увагу, што некалькі тыдняў таму сутачная колькасць заражаных SARS-CoV-2 даходзіла да 30 тыс. А вось лічба смяротных зыходаў утрымліваецца на высокім узроўні. Для прыкладу, тыдзень таму штодзень памірала каля 500 чалавек. Чаму такая высокая смяротнасць? – задае пытанне газета.

Паміраюць перш за ўсё грамадзяне ва ўзросце 70-80 гадоў і старэйшыя, у якіх дыягназаваныя іншыя хранічныя захворванні. Галоўны дарадчык польскага ўраду па пытаннях COVID-19 прафесар Анджэй Хорбан упэўнены, што смяротныя зыходы – гэта вынік Калядаў. Паводле яго, адказнасць за смерць нясуць людзі, якія не паслухалі спецыялістаў і накіраваліся святкаваць Ражджаство да сваіх родных. «Перад Калядамі мы заклікалі абмежаваць кантакты з сям’ёй у святочны перыяд. На жаль, многія нас не паслухалі, і цяпер мы назіраем за сумным вынікам Ражджаства», – сказаў спецыяліст. Іншы польскі навуковец, вірусолаг, прафесар Уладзімеж Гут таксама зазначыў, што шматлікія маладыя палякі не паслухалі адмыслоўцаў і паехалі на святы ў свае сем’і, заражаючы падчас візіта сваіх дзядуль і бабуль. «Старэйшы людзі, калі трапляюць у шпіталь, то амаль адразу ж трапляюць пад штучную вентыляцыю лёгкіх. Для большасці з іх – гэта смяротны прыгавор, хоць і адкладзены на два альбо тры тыдні», – кажа прафесар Гут.

У Польшчы Ражджаство – гэта самае важнае сямейнае свята, калі збіраецца ўся сям’я, прычым некалькі пакаленняў. Перад Калядамі кіраўніцтва краіны і спецыялісты заклікалі палякаў адмовіцца ад наведвання родных і па меры магчымасці не перамяшчацца. Як бачна па статыстыцы смяротнасці, не ўсе паслухалі адмыслоўцаў, паведамляе газета Rzeczpospolita.

вс