X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

17 студзеня 1945 года была вызваленая Варшава

22.01.2021 19:57
Многія не дачакаліся вызвалення сталіцы, а для тых, хто дачакаўся, дзень 17 студзеня стаў сапраўдным святам.
Аўдыё
  • 17 студзеня 1945 года была вызваленая Варшава
19  1945      17      1-
19 студзеня 1945 года па Ерусалімскай алеі вызваленай 17 студзеня Варшавы прайшоў парад салдат 1-й арміі Войска ПольскагаNarodowe Archiwum Cyfrowe

17 студзеня 1945 года знішчаную Варшаву вызвалілі салдаты 1-й арміі Войска Польскага пры падтрымцы Чырвонай арміі. Калі немцы ўцякалі з польскай сталіцы, горада практычна не было – засталіся адны руіны. Сярод вызваленых быў Уладзіслаў Шпільман – вядомы польскі кампазітар, габрэй па нацыянальнасці, які шмат месяцаў хаваўся ў гарадскіх руінах. Яго гісторыя паказаная ў славутым оскараносным фільме «Піяніст» Рамана Палянскага. Вось як ён пазней успамінаў момант вызвалення.

- Жыццё ў руінах было вельмі цяжкім, увесь час я быў самотны. Цягам паўгода я ўвогуле не размаўляў, бо не было з кім. Мне ўдалося выжыць, гэты дзень нарэшце надыйшоў. Гэты дзень я добра памятаю – 17 студзеня 1945 года. Я, дарэчы, не здагадваўся, што Варшава ўжо свабодная. Я прачнуўся 20 студзеня і заўважыў нейкі рух на вуліцы, гоман. Я падышоў да вакна, убачыў вызваленую Варшаву і расплакаўся. Нарэшце адчуў сябе свабодным.

Пра тое, што Варшава падчас вызвалення была знішчаная, расказваў Польскаму радыё адзін са сведкаў тагачасных падзей, салдат 1-й арміі Войска Польскага.

- Варшава выглядала жахліва – цалкам вымерлы, знішчаны горад пад слоем снегу. Дзе-нідзе былі чутны выбухі – гэта сапёры знішчалі міны, якія пакінулі немцы. Адным словам, былі бачныя толькі руіны.

Варшаўская аперацыя працягвалася з 14 па 17 студзеня 1945 года. У ёй прымалі ўдзел падраздзяленні 1-й арміі Войска Польскага і 47-я і 61-я арміі 1-га Беларускага фронту. Вызваленне Варшавы праходзіла ў рамках вялікай аперацыі, пачатай Чырвонай арміяй 12 студзеня. У выніку акружэння быў створаны так званы варшаўскі кацёл, у які трапіла 9-я нямецкая армія.

Баі ў левабярэжнай Варшаве працягваліся некалькі гадзін, таму што нямецкае камандаванне, баючыся, што войска можа трапіць у акружэнне, вывела з гораду асноўныя сілы. 19 студзеня па Ерусалімскай алеі прайшоў парад салдат 1-й арміі Войска Польскага.

Дарэчы, правабярэжная Варшава была вызваленая летам. Аднак у сувязі з тым, што сілы Чырвонай арміі і Войска Польскага былі аслабленыя баямі і неабходным было перафарміраванне, яны не дапамаглі Варшаўскаму паўстанню, якое пачалося 1 жніўня 1944 года па леваму баку Віслы. Чырвоная армія і яе саюзнікі-палякі спыніліся на Вісле, заняўшы толькі левы бераг сталіцы.

З іншага боку існуюць сведчанні, што Сталін спецыяльна спыніў наступленне, каб немцы задушылі польскае паўстанне. Гэта каштавала жыцці больш чым 200 тыс. палякаў, у асноўным мірных жыхароў. Праўда, польскія і афіцэры салдаты, якія ваявалі поруч з Чырвонай арміяй, спрабавалі пераправіцца на правы бераг Віслы і дапамагчы паўстанцам, аднак гэтыя спробы не мелі масавага характару і закончыліся паразай.

Многія не дачакаліся вызвалення сталіцы, а для тых, хто дачакаўся, дзень 17 студзеня стаў сапраўдным святам.

Валеры Саўко

слухайце аўдыёфайл

Больш на гэтую тэму: Машына часу