Як паведамлялася, генеральны пракурор рэжыму Лукашэнкі, генерал-лейтэнант юстыцыі Андрэй Швед хоча прыцягнуць за генацыд беларусаў ветэранаў польскай Арміі Краёвай. Мы вырашылі разабрацца, ці АК сапраўды ёсць у чым абвінавачваць, ці словы генпракурора – гэта элемент антыпольскай рыторыкі рэжыму.
Расказаць пра Армію Краёву і той цяжкі гістарычны перыяд мы папрасілі беларускага незалежнага даследчыка, спецыяліста па Заходняй Беларусі, даваеннай Польшчы і Войску Польскім, кандыдата гістарычных навук Ігара Мельнікава. Адмысловец зазначае, што выкарыстання гісторыі ў палітычных мэтах быць не павінна – гісторыяй павінны займацца незалежныя гісторыкі, а не палітыкі.
Наш суразмоўца падкрэслівае, што Армія Краёва ваявала на баку антыгітлераўскай кааліцыі, у тым ліку супрацоўнічала з савецкімі партызанамі, таму пра абвінавачанне яе салдат у генацыдзе трэба выказвацца асцярожна, маючы пры гэтым сур’ёзныя гістарычныя веды. А гістарычных ведаў беларусам актуальна не хапае, зазначае Ігар Мельнікаў. І ў сувязі з гэтым узнікаюць спробы маніпуляцый гістарычнымі фактамі, кажа спецыяліст. З ім размаўляе Валеры Саўко.
слухайце аўдыёфайл
на фота: партызаны Арміі Краёвай на Навагрудчыне