Беларуская Служба

Міністр аховы здароўя пра чарговую хвалю Covid-19: Калі яна будзе, то хутчэй у лістападзе-снежні

05.08.2022 15:09
Цяпер галоўныя інструменты ў барацьбе – гэта вакцынацыя, новыя прэпараты і маскі, якія рэкамендуюцца групам рызык
KE podpisała umowę na dostawy szczepionek białkowych przeciwko Covid-19
KE podpisała umowę na dostawy szczepionek białkowych przeciwko Covid-19Shutterstock/Studio Peace

Цяпер найбольш верагодны сцэнар, што калі мы будзем мець справу з чарговай хваляй пандэміі, то хутчэй у лістападзе-снежні, заявіў міністр аховы здароўя Польшчы Адам Нядзельскі.

«Мяркуецца, што перыяд каля 20 тыдняў – гэта перыяд, калі мы атрымліваем кароткатэрміновы імунітэт, які пасуне восеньскую хвалю, пра якую мы заўсёды казалі ў кантэксце канца верасня – пачатку кастрычніка. Цяпер найбольш верагодны сцэнар, калі мы сутыкнемся з наступнай хваляй, то яна хутчэй будзе пасунутая на лістапад, снежань», – падкрэсліў Нядзельскі.

Ён дадаў, што хоць часовыя перспектывы развіцця пандэміі змяніліся ў параўнанні з мінулым годам, міністэрства па-ранейшаму гатовае да ўсіх сцэнарыяў.

Адам Нядзельскі падкрэсліў, што цяпер галоўныя інструменты ў барацьбе – гэта вакцынацыя, новыя прэпараты і маскі, якія рэкамендуюцца групам рызыкі.

Таксама ён мяркуе, што ў цяперашняй сітуацыі ў выпадку захворвання дастаткова выканаць патрабаванне аб ізаляцыі на бальнічным, як пры тыповай інфекцыі, піша gazetaprawna.pl.

вх