Баклажаны па-кашубску
Інгрэдыенты
1 кг баклажанаў
алей для смажання
соль
3 цыбуліны
2 сталовыя лыжкі разынак
5 гваздзікоў
4 зернейкі духмянага перцу
4 лаўровых лісты
¼ чайнай лыжкі солі
чорны перац
алей для заліўкі
4 сталовыя лыжкі таматнай пасты
1 сталовая лыжка воцату
1 чайная лыжка карыцы
½ чайная лыжка маярану
¼ шклянкі вады
Падрыхтоўка
Разагрэйце духоўку да 200 градусаў. Баклажаны нарэжце ўздоўж таўшчынёй каля 1 см, выкладзіце на блясе з алеем і пасыпце соллю. Затым перавярніце на другі бок, пашмаруйце алеем і зноў пасыпце соллю. Пастаўце ў разагрэтую духоўку і запякайце 15-20 хвілін.
Нарэжце паўкольцамі цыбулю. Разагрэйце алей на дне вялікай патэльні, дадайце цыбулю разам з разынкамі, гваздзіком, духмяным перцам, лаўровым лістом, соллю і чорным перцам. Смажце на слабым агні 5-8 хвілін.
Дадайце рэшту інгрэдыентаў, змяшайце і тушыце на сярэднім агні, пакуль вада не выпарыцца і соус не зробіцца густым.
На кожны баклажан пакладзіце сталовую лыжку запраўкі, а затым закруціце ў рулон. Пасля шчыльна пакладзіце ў слоік альбо кантэйнер, заліце алеем, дадаўшы некалькі лаўровых лістоў. Накрыйце фольгай, прыцісніце і пастаўце ў халадзільнік. Праз некалькі гадзін іх можна падаваць да стала, але чым даўжэй яны марынуюцца, тым лепш.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл