4 яйкі
1 шклянка цукровай пудры
1 пакецік ванільнага цукру
0,5 шклянкі растопленага сметанковага масла
1,5 шклянкі (прыкладна 240 г) пшанічнай мукі
1 чайная лыжка разрыхляльніка
0,5 чайнай лыжкі харчовай соды
500 г рэвеню
0,5 чайнай лыжкі карыцы
цукровая пудра, каб пасыпаць
Яйкі загадзя дастаць з халадзільніка, каб яны былі ў пакаёвай тэмпературы. Рэвень памыць, асушыць і парэзаць на кавалкі даўжынёй 0,5 см.
Форму для выпякання дыяметрам не менш за 26 см пашмараваць сметанковым маслам альбо дно выслаць пергаментам. Нагрэць духоўку да 180 градусаў.
Разбіць яйкі ў міску, дадаць цукровую пудру і ванільны цукар і ўзбіваць міксерам да пышнай лёгкай кансістэнцыі каля 10 хвілін.
Затым паступова ўліць сметанковае масла і мяшаць каля 5 хвілін.
Муку змяшаць разам з разрыхляльнікам і содай.
Дадаць каля 1/3 мукі ва ўзбітую масу і коратка мяшаць на малой хуткасці міксера. Затым дадаць другую частку мукі і зноў мяшаць як і раней, а пасля – астатнюю частку мукі.
Пералажыць цеста ў форму, пакласці наверх рэвень, пасыпаць карыцай і паставіць у духоўку.
Выпякаць каля 45 хвілін, пакуль пірог не падрумяніцца (можна праверыць зубачысткай, ці пірог гатовы). Дастаць з духоўкі і пасыпаць цукровай пудрай.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл