500 г варанай бульбы
300 г пшанічнай мукі
соль і цукар
2 яйкі
400 г клубніцы
сметанковае масла
паніровачныя сухары
Звараную бульбу астудзіце і старанна патаўчыце. Дадайце муку, соль, цукар і яйкі. Мукі ў пачатку лепш дадаваць крыху менш, магчыма, спатрэбіцца не ўся (чым менш мукі, тым далікатнейшымі атрымаюцца клёцкі).
Змяшайце інгрэдыенты і злучыце ў аднастайнае цеста, сфармуйце валік.
Затым нарэжце нажом невялікія кавалкі, сфармуйце на далоні аладкі, у цэнтр пакладзіце клубніцу (малыя – цэлыя, буйнейшыя разрэжце напалову). Зляпіце краі як у выпадку варэнікаў і сфармуйце рукамі шарык.
Апускайце клёцкі порцыямі ў падсоленую кіпячую ваду і варыце каля 5 хвілін. Злійце ваду і пакладзіце на патэльню з паніровачнымі сухарамі і маслам. Падрумяньце клёцкі на патэльні. Падавайце са смятанай.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл