Інгрэдыенты
2 яйкі
маладая бульба
пучок белай спаржы
сметанковае масла або раслінны алей для смажання
кроп
соль, перац
1 шклянка кефіру
Пачынаем з гатавання бульбы. Старанна памыйце і мінімальна пачысціце маладую бульбу ды зварыце ў падсоленай кіпячай вадзе.
Спаржу пачысціце і адрэжце цвёрдыя канцы, прыкладна 3 см ад канца. Варыце ў салёнай вадзе ў высокім рондалі каля 6-7 хвілін. Верх спаржы больш мяккі, таму ён дойдзе да гатовасці пад уплывам пары.
Смажаныя яйкі
У патэльні са сметанковым маслам або алеем убіце халодныя, вынятыя з халадзільніка яйкі (калі яны пакаёвай тэмпературы, то бялок расцякаецца па патэльні). Яйкі пасаліце, абсмажце да поўнага згортвання бялку, але жаўток павінен быць вадкім. Затым выкладаем спаржу на талерку, на яе – смажаныя яйкі. Падаём з маладой бульбай, пасыпаем кропам. Да гэтага – шклянка кефіру.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл
на фота: адзін з варыянтаў падачы спаржы