Мяккія вафлі па-польску называюцца «гофры». Яны падаюцца з самымі рознымі дадаткамі: ягадамі, марожаным, гарачым шакаладам, цукровай пудрай – на што толькі хопіць фантазіі! У Польшчы гэта адзін з самых папулярных дэсертаў. Ён лічыцца летнім, бо вафлі можна сустрэць на кожным кроку ў месцах адпачынку.
А вось як зрабіць вафлі па-польску.
1,5 шклянкі пшанічнай мукі
1,5 чайнай лыжкі разрыхляльніка
дробка солі
2 чайныя лыжкі цукровай пудры
1 сталовая лыжка ванільнага цукру
2 яйкі
0,5 шклянкі расліннага алею (напрыклад, сланечнікавага) або растопленага сметанковага масла
1,3 шклянкі малака
Муку ў місцы змешваем з разрыхляльнікам, дадаем соль, цукровую пудру і ванільны цукар. Пасля да атрыманай масы дадаем яйкі, алей або сметанковае масла і малако. Усё змешваем міксерам. Даём цесту адпачыць прыкладна на 15 хвілін, але гэта не абавязкова.
Разаграваем вафельніцу. Кожную вафлю выпякаем прыкладна каля 3- 3,5 хвілін. Упрыгожваем малінамі.
Падаваць таксама можна з цукровай пудрай, кляновым сіропам, мармеладам, варэннем, садавіной і ўзбітымі вяршкамі.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл