4 чырвоныя папрыкі
350 г мяснога фаршу
2 сталовыя лыжкі аліўкавага алею
1 цыбуля
2 зубчыкі часныку
2 сталовыя лыжкі парэзанай пятрушкі
100 г рысу
1 яйка
2 сталовыя лыжкі таматнай пасты
100 г цвёрдага сыру
1 памідор
1 чайная лыжка салодкага перцу і куркумы
2 чайныя лыжкі арэгана
Зварыце рыс да гатоўнасці ў падсоленай вадзе – каля 10–15 хвілін.
На патэльні на аліўкавым алеі абсмажце парэзаную цыбулю, дадайце цёрты часнык, праз некаторы час дадайце фарш і старанна абсмажце. Калі вы робіце фарш самастойна, то лепш за ўсё яго адразу перакруціць з сырой цыбуляй, пятрушкай ды часныком і затым выкласці ўсё на патэльню і старанна абсмажыць.
Мяса пасаліце, паперчыце, дадайце спецыі: чырвоны перац, куркуму і арэгана. Дадайце таматную пасту і пятрушку ды смажце каля 2 хвілін.
Дадайце рыс, змяшайце і смажце каля хвіліны. Зніміце з агню. Пасля таго, як астыне, дадайце яйка і перамяшайце.
Разагрэйце духоўку да 200 градусаў С. Перац разрэжце на палову. Выдаліце насенне. Запраўце соллю, чорным перцам, пашмаруйце аліўкавым алеем і пакладзіце ў форму для духоўкі.
Перац нафаршыруйце, зверху пакладзіце скрылік памідора, пасаліце. Пастаўце ў духоўку, наліце ў форму прыкладна 1/2 шклянкі вады і выпякайце 35 хвілін.
Дадайце наверх скрылік сыру або цёртага сыру на кожны перац і запякайце яшчэ 5-10 хвілін, пакуль сыр не расплавіцца або не падрумяніцца.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл