Інгрэдыенты
2 жмені рукалы
200 г курынай печані
1 невялікая цыбуліна
1,5 сталовай лыжкі мукі
соль, перац
1 шклянка малака
Малінавы соус
70 г свежай маліны
1 сталовая лыжка мёду
2 сталовыя лыжкі яблычнага воцату
каля 1 чайнай лыжкі бальзамічнага воцату
40 г сметанковага масла
Для падрыхтоўкі малінавага соусу дадайце на патэльню мёд, яблычны і бальзамічны воцат. Крыху пагатуйце. Затым дадайце маліну і варыце, памешваючы, пакуль ягада не разварыцца і распадзецца. Дадайце сметанковае масла, дробку солі і трохі перцу. Смажце, пакуль масла не не злучыцца з астатнімі інгрэдыентамі. Змяшайце і адстаўце, каб соус астыў. Працадзіце праз сіта, каб атрымаўся празрысты малінавы соус. Гэты соус таксама ідэальна падыходзіць да качкі.
Для падрыхтоўка печані ачысціце печань ад абалонак і нарэжце яе на больш дробныя кавалкі. Выкладзіце печань у міску і заліце малаком. Пакіньце на гадзіну, затым зліце малако і абсыпце печань мукой.
На патэльні разагрэйце масла і абсмажце печань некалькі хвілін, перыядычна памешваючы. Дадайце нарэзаную цыбулю і абсмажце разам з печанню. Запраўце соллю і перцам. Праверце, паспрабаваўшы печань, ці дастаткова яна прасмажаная.
На талерку пакладзіце рукалу, затым печань з цыбуляй. Пасыпце свежай малінай. У канцы паліце ўсё малінавым соусам.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл