300 г пшанічнай мукі
100 г крухмалу
100 г цукру
2 чайныя лыжкі разрыхляльніка
250 г халоднага сметанковага масла
3 жаўткі або 1 яйка
6 сталовых лыжак какосавай стружкі (па жаданні)
************
1,5 кг сліў
50 г цукру
1 сталовая лыжка ванільнага цукру
1 чайная лыжка карыцы
1 чайная лыжка крухмалу
Слівы вымыць, абсушыць, разрэзаць на палоўкі і выдаліць костачкі. Змясціць у вялікі рондаль, дадаць цукар, ванілін і карыцу. Варыць, перыядычна памешваючы, каля 15–20 хвілін, пакуль слівы не стануць мяккімі, а атрыманы сок не пераўтворыцца ў сіроп.
Дадаць крухмал, папярэдне змяшаны са сталовай лыжкай вады, а затым з некалькімі сталовымі лыжкамі сіропу. Слівы перамяшаць, давесці да кіпення і зняць з агню.
Падрыхтаваць форму памерам прыкладна 25 на 35 см. Пакласці ў міску муку, крухмал і разрыхляльнік ды нарэзанае кавалачкамі халоднае масла. Расцерці пальцамі ў дробную крошку.
Дадаць жаўткі або яйка, какосавую стружку і злучыць інгрэдыенты ў аднастайную масу (шар). Падзяліць яго на дзве часткі. Калі цеста вельмі мяккае, яго можна хутка астудзіць, паклаўшы ў маразілку.
Разагрэць духоўку да 175 градусаў.
Адной часткай цеста выкласці дно формы.
Слівы з патэльні перакласці на цеста, а зверху нацерці другую палову цеста на тарцы. Паставіць у разагрэтую духоўку і выпякаць каля 40 хвілін да залацістага колеру.
Смачна есці!
Падрабязней пра тое, як зрабіць страву, раскажуць Кацярына Адамская і Валеры Саўко.
слухайце аўдыёфайл